അബുദാബി: ഈദ് ആഘോഷത്തിനും മറ്റുമായി പരമാവധി 10 പേർ മാത്രമേ ഒത്തുകൂടാവൂവെന്ന് ദേശീയ അത്യാഹിത ദുരന്ത നിവാരണ സമിതി. അബുദാബിയിൽ 10 പേരിൽ കൂടുതൽ ഒത്തുചേർന്നാൽ വൻതുക പിഴയടക്കേണ്ടി വരുമെന്നും അധികൃതർ മുന്നറിയിപ്പ് നൽകി. ഒത്തുചേരാൻ ആഹ്വാനം ചെയ്യുന്നവർ 10,000 ദിർഹമും (2 ലക്ഷം രൂപ) പങ്കെടുക്കുന്നവർ 5000 ദിർഹമും (1 ലക്ഷം രൂപ) പിഴ അടയ്‌ക്കണം.
നിബന്ധനകളോടെ പരമാവധി 7 മുതൽ 10 വരെ ആളുകൾക്കു മാത്രമേ ഒത്തുചേരാൻ അനുമതിയുണ്ടാവൂ. ഇങ്ങനെ ഒത്തുചേരുന്നവർ മാസ്‌ക് ധരിക്കുകയും 2 മീറ്റർ അകലം പാലിക്കുകയും വേണം. പൊതു, സ്വകാര്യ സ്‌ഥലങ്ങളിലും കൃഷിയിടങ്ങളിലും ഒത്തുചേരുന്നവർക്ക് എതിരെയും നടപടി സ്വീകരിക്കുമെന്ന് ദേശീയ അത്യാഹിത ദുരന്ത നിവാരണ സമിതി അറിയിച്ചു.
നിയമലംഘകരെ കണ്ടെത്താൻ പരിശോധന വ്യാപകമാക്കും. പരമാവധി ആഘോഷവും ഒത്തുചേരലും ഓൺലൈനിൽ മാത്രമാക്കണമെന്നും അധികൃതർ അഭ്യർഥിച്ചു.
Also Read: ചൈനീസ് വായ്‌പാ ആപ്പുകൾക്കെതിരെ നടപടിയുമായി കേന്ദ്രം; 76 കോടി കണ്ടുകെട്ടി
