മാനന്തവാടി: ഒരു കിലോ കഞ്ചാവുമായി മധ്യവയസ്‌കൻ പിടിയിൽ. മാനന്തവാടി ചെന്നലായി നിരപ്പേൽ വർഗീസ് (63) ആണ് പിടിയിലായത്. വയനാട് ജില്ലാ പോലീസ് മേധാവി അർവിന്ദ് സുകുമാർ ഐപിഎസിന് ലഭിച്ച രഹസ്യവിവരത്തെ തുടർന്ന് മാനന്തവാടി പോലീസ് നടത്തിയ പരിശോധനയിലാണ് ഇയാൾ പിടിയിലായത്.
ഇയാളുടെ വീട്ടിൽ നിന്നും 1.24 കിലോഗ്രാം കഞ്ചാവ് കണ്ടെടുത്തു. ഇയാൾക്കെതിരെ എൻഡിപിഎസ് വകുപ്പ് പ്രകാരം കേസ് രജിസ്‌റ്റർ ചെയ്‌ത്‌ അറസ്‌റ്റ് ചെയ്‌തു. ജില്ലാ നാർക്കോട്ടിക് സെൽ ഡിവൈഎസ്‌പി കെപി അബ്‌ദുൾ വഹാബിന്റെ നിർദേശപ്രകാരം ജില്ലാ ലഹരി വിരുദ്ധ സേനാംഗങ്ങളും മാനന്തവാടി എസ്‌ഐ യു സനീഷും സംഘവും സംയുക്‌തമായി നടത്തിയ പരിശോധനയിലാണ് ഇയാളെ പിടികൂടിയത്.
Read also: കോവിഡ് വ്യാപനം; ജില്ലയിൽ നിയന്ത്രണങ്ങൾ കർശനമാക്കി
