വയനാട് : സംസ്ഥാനത്ത് സമ്പൂർണ ലോക്ക്ഡൗൺ ഇന്ന് അവസാനിക്കുന്നതോടെ ജില്ലയിലെ ബത്തേരിയിൽ നിന്നും കൂടുതൽ കെഎസ്ആർടിസി ദീർഘദൂര ബസുകൾ നാളെ മുതൽ ഓടി തുടങ്ങും. 7 സർവീസുകൾ നടത്താനാണ് ഇപ്പോഴത്തെ തീരുമാനം.
കൂടുതൽ സർവീസുകൾ ആരംഭിക്കുന്ന സാഹചര്യത്തിൽ നാളെ രാവിലെ 7.30നും 9 മണിക്കും ഇടയിൽ ബത്തേരിയിൽ നിന്നും കോഴിക്കോടേക്ക് ബസുകൾ പുറപ്പെടും. കൂടാതെ വൈകിട്ട് 6.45, 8.15 എന്നീ സമയങ്ങളിൽ ആലപ്പുഴ വഴി തിരുവനന്തപുരത്തേക്കും, വൈകിട്ട് 7.30ന് കോട്ടയം വഴി തിരുവനന്തപുരത്തേക്കും സർവീസുകൾ നടത്തും.
രാവിലെ 10 മണിക്ക് എറണാകുളത്തേക്കും, വൈകുന്നേരം 6ന് പത്തനംതിട്ടയിലേക്കും സർവീസുകൾ ആരംഭിക്കുമെന്നാണ് അധികൃതർ വ്യക്തമാക്കുന്നത്. കൂടാതെ വൈകുന്നേരങ്ങളിൽ പുറപ്പെടുന്ന ബസുകൾ ഇന്ന് ആരംഭിക്കുമെന്നും അധികൃതർ വ്യക്തമാക്കി.
Read also : കണ്ണൂരിൽ ഒരു വയസുകാരിക്ക് രണ്ടാനച്ഛന്റെ ക്രൂരമർദനം