തിരുവനന്തപുരം: യുഡിഎഫിന് അധികാരം ലഭിച്ചാൽ കേരളാ ബാങ്ക് പിരിച്ചുവിടുമെന്ന് കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍. പകരം ജില്ലാ സഹകരണ ബാങ്കുകൾ പുനസ്‌ഥാപിക്കുമെന്നും മുല്ലപ്പള്ളി പറഞ്ഞു. പ്രതിപക്ഷ സംഘടന പ്രഖ്യാപിച്ച പണിമുടക്കിന്റെ ഭാഗമായ ധര്‍ണ ഉൽഘാടനം ചെയ്യുമ്പോഴാണ്‌ മുല്ലപ്പള്ളിയുടെ പ്രതികരണം.
‘ഏതാണീ കേരള ബാങ്ക്. അനധികൃത നിയമനങ്ങൾക്ക്‌ വേണ്ടി തുടങ്ങിയ ബാങ്ക് ഞങ്ങൾ അധികാരത്തിൽ എത്തിയാൽ പിരിച്ചുവിടും’; മുല്ലപ്പള്ളി പറഞ്ഞു.
നേരത്തെ യുഡിഎഫ്‌ അധികാരത്തിൽ വന്നാൽ ലൈഫ്‌ മിഷൻ പദ്ധതി പരിച്ചുവിടുമെന്ന യുഡിഎഫ്‌ കൺവീനർ എംഎം ഹസന്റെ പ്രസ്‌താവന ജനരോഷത്തിന് ഇടയാക്കിയിരുന്നു. ശേഷം പ്രസ്‌താവന കെപിസിസി പിൻവലിക്കുകയായിരുന്നു.
Read also: അഭയ കേസ്; ശിക്ഷ സ്‌റ്റേ ചെയ്യണമെന്ന് ആവശ്യപ്പെട്ട് പ്രതികൾ ഹൈക്കോടതിയിൽ
