മുംബൈ: നഗരത്തിലെ 15 നില കെട്ടിടത്തിലുണ്ടായ തീ പിടുത്തത്തിൽ രണ്ടുപേർ മരിച്ചു. മുംബൈ കാന്തിവാലിയിലെ ഹൻസ ഹെറിറ്റേജ് എന്ന ബഹുനില കെട്ടിടത്തിലാണ് തീപടർന്നത്.
ശനിയാഴ്‌ച രാത്രിയോടെ കെട്ടിടത്തിന്റെ 14ആം നിലയിലാണ് ആദ്യം തീ പടർന്നത്. പിന്നീട് മറ്റിടങ്ങളിലേക്കും തീ പടർന്നു. അപകടത്തിൽ പൊള്ളലേറ്റ രണ്ടുപേരെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ഏഴ് അഗ്‌നിരക്ഷാ സേനാ വാഹനങ്ങൾ സംഭവ സ്‌ഥലത്തെത്തി തീ നിയന്ത്രണ വിധേയമാക്കി. ഷോർട് സർക്യൂട്ട് ആണ് അപകടത്തിന് കാരണമെന്നാണ് പ്രാഥമിക നിഗമനം. മഹാരാഷ്‌ട്രയിൽ കഴിഞ്ഞ ദിവസം മാത്രം 13 പേർക്കാണ് തീപിടുത്തത്തിൽ ജീവൻ നഷ്‌ടമായത്. ശനിയാഴ്‌ച രാവിലെ അഹമ്മദ് നഗറിലെ കോവിഡ് ആശുപത്രിയിൽ ഉണ്ടായ തീപിടുത്തത്തിൽ 10 രോഗികൾ വെന്തുമരിച്ചിരുന്നു.
Also Read: ഇന്ധന നികുതിയിൽ ഇളവിന് നിർബന്ധിക്കരുത്; കോൺഗ്രസ് മുഖ്യമന്ത്രിമാർ
