നഗരസഭയുടെ പരിശോധനയില്‍ പഴകിയ മല്‍സ്യം പിടികൂടി

By Staff Reporter, Malabar News
stale fish
Representational Image

കോഴിക്കോട്: നഗരസഭാ ആരോഗ്യ വിഭാഗത്തിന്റെ നേതൃത്വത്തില്‍ സെന്‍ട്രല്‍ മാര്‍ക്കറ്റില്‍ നടത്തിയ പരിശോധനയില്‍ 250 കിലോ പഴകിയ മല്‍സ്യം പിടികൂടി. കോര്‍പറേഷന്‍ തിരഞ്ഞെടുപ്പും കോവിഡ് സാഹചര്യവും മൂലം നിര്‍ത്തിവെച്ച പരിശോധന ആരോഗ്യ വിഭാഗം വീണ്ടും ആരംഭിച്ചതോടെയാണ് പഴകിയ മല്‍സ്യം പിടികൂടിയത്.

ചൊവ്വാ​ഴ്​​ച നടത്തിയ പരിശോധനയില്‍ വിപി ഇസ്‌മയില്‍ എന്ന മൗലായുടെ സ്​​റ്റാ​ളില്‍നിന്നാണ് ഭക്ഷ്യയോഗ്യമല്ലാത്ത, പഴകിയ മല്‍സ്യം പിടികൂടിയത്. വൃത്തിഹീനമായ തെര്‍മോകോള്‍ ബോക്‌സുകളിലും കേടുവന്ന ഫ്രീസറുകളിലും ആയിരുന്നു പിടികൂടിയ മീനുകള്‍ സൂക്ഷിച്ചിരുന്നത്. അയല, സൂത, തിലാപ്പിയ, സ്രാവിന്റെ തലഭാഗം എന്നിവ പിടികൂടിയവയില്‍ ഉള്‍പ്പെടും.

കുറ്റക്കാര്‍ക്കെതിരെ പിഴ ചുമത്തുമെന്നും മറ്റ് നിയമനടപടി സ്വീകരിക്കുമെന്നും കോര്‍പറേഷന്‍ ഹെല്‍ത്ത് ഓഫിസര്‍ ഡോ ആര്‍എസ് ഗോപകുമാര്‍ അറിയിച്ചു. ഹെല്‍ത്ത് ഇന്‍സ്‌പെക്‌ടര്‍ പി ശിവന്‍, ജെഎച്ച്ഐ ഇപി ശൈലേഷ് എന്നിവരും പരിശോധനയില്‍ പങ്കെടുത്തു. വരുംദിവസങ്ങളിലും നഗരപരിധിയില്‍ കര്‍ശന പരിശോധന തുടരുമെന്ന് അധികൃതര്‍ വ്യക്‌തമാക്കി.

Malabar News: കരിപ്പൂരിൽ വീണ്ടും സ്വർണക്കടത്ത്; രണ്ട് പേർ പിടിയിൽ 

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE