ന്യൂഡെൽഹി: ബിജെപി ദേശീയ അധ്യക്ഷൻ ജെപി നഡ്ഡയുടെ ട്വിറ്റർ അക്കൗണ്ട് ഹാക്ക് ചെയ്യപ്പെട്ടു. @JPNadda എന്ന അദ്ദേഹത്തിന്റെ ഔദ്യോഗിക അക്കൗണ്ടാണ് ഹാക്ക് ചെയ്തത്. ഹാക്ക് ചെയ്ത ശേഷം റഷ്യൻ ആക്രമണം നേരിടുന്ന യുക്രൈനിന് വേണ്ടി സഹായമഭ്യർഥിച്ചു കൊണ്ടുള്ള ട്വീറ്റും പ്രത്യക്ഷപ്പെട്ടു.
BJP national president JP Nadda’s Twitter account hacked. pic.twitter.com/AdZ3fh7pd3
— ANI (@ANI) February 27, 2022
‘യുക്രൈൻ ജനതക്കൊപ്പം നിൽക്കണം. സംഭാവനകളായി ക്രിപ്റ്റോ കറൻസികൾ സ്വീകരിക്കുന്നതാണ്’ എന്നായിരുന്നു ഹാക്കർ പോസ്റ്റ് ചെയ്ത ട്വീറ്റ്.
ഇതിന് പിന്നാലെ തന്റെ ട്വിറ്റർ അക്കൗണ്ട് ഹാക്ക് ചെയ്തെന്നും റഷ്യക്കാണ് സഹായം ആവശ്യമുള്ളത് എന്നും അവർക്ക് സംഭാവന നൽകണമെന്നും ആവശ്യപ്പെട്ടുള്ള മറ്റൊരു ട്വീറ്റും പ്രത്യക്ഷപ്പെട്ടു.
എന്നാൽ ഈ ട്വീറ്റ് പെട്ടന്ന് തന്നെ അപ്രത്യക്ഷമാകുകയും ചെയ്തു. നഡ്ഡയുടെ ട്വിറ്റർ ഹാൻഡിലിന്റെ പേര് മാറ്റി ഐസിജി ഓൺസ് ഇന്ത്യ എന്നാക്കി മാറ്റുകയും ചെയ്തു.
Most Read: പ്രിയപ്പെട്ട അധ്യാപികക്ക് വിദ്യാർഥികളുടെ യാത്രയയപ്പ്; ഹൃദയം കീഴടക്കി വീഡിയോ