ന്യൂഡെൽഹി : രാജ്യത്ത് കോവിഡ് വ്യാപനം രൂക്ഷമായ സാഹചര്യത്തിൽ നാല് സംസ്ഥാനങ്ങളിലെ മുഖ്യമന്ത്രിമാരുമായി ചർച്ച നടത്തി പ്രധാനമന്ത്രി നരേന്ദ്രമോദി. മുഖ്യമന്ത്രിമാരുമായി ഫോണിലാണ് ചർച്ച നടത്തിയത്. മഹാരാഷ്ട്ര മുഖ്യമന്ത്രി ഉദ്ധവ് താക്കറെ, തമിഴ്നാട് മുഖ്യമന്ത്രി എംകെ സ്റ്റാലിന്, മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാന്, ഹിമാചല്പ്രദേശ് മുഖ്യമന്ത്രി ജയ്റാം താക്കൂര് എന്നിവരുമായാണ് അതാത് സംസ്ഥാനങ്ങളിലെ കോവിഡ് സാഹചര്യം പ്രധാനമന്ത്രി ചർച്ച ചെയ്തത്.
കഴിഞ്ഞ 3 ദിവസങ്ങളിലായി 10 സംസ്ഥാനങ്ങളിലെ മുഖ്യമന്ത്രിമാരുമായി പ്രധാനമന്ത്രി ഫോണിൽ ചർച്ച നടത്തിയിട്ടുണ്ട്. നിലവിൽ രാജ്യത്ത് രണ്ടാം കോവിഡ് വ്യാപനം രൂക്ഷമായി തുടരുകയാണ്. നാല് ലക്ഷത്തിന് മുകളിലാണ് കഴിഞ്ഞ മൂന്ന് ദിവസങ്ങളായി രാജ്യത്ത് റിപ്പോർട് ചെയ്യുന്ന കോവിഡ് കേസുകൾ. ഒപ്പം തന്നെ ഇന്ന് റിപ്പോർട് ചെയ്ത കോവിഡ് മരണവും 4000ന് മുകളിലാണ്.
Read also : തമിഴ്നാട്ടിൽ നിന്ന് മൂന്നാറിലേക്ക് മദ്യം ഒഴുകുന്നു; ഒമ്പതര ലിറ്റർ പിടികൂടി