വെളിയങ്കോട്: തിങ്കളാഴ്ച രാത്രിയിലുണ്ടായ മിന്നലിൽ നവജാത ശിശുവിന് പരിക്കേറ്റു. വെളിയങ്കോട് പഞ്ചായത്തിലെ അഞ്ചാം വാർഡിലെ തട്ടാങ്ങര തലക്കാട്ട് കുഞ്ഞഹമ്മദിന്റെ മകൾ ജിഷക്കും രണ്ടുമാസം പ്രായമായ കുഞ്ഞിനുമാണ് മിന്നലേറ്റത്. കുഞ്ഞിന്റെ കൈക്ക് പൊള്ളലേറ്റു. പരിക്കേറ്റ കുഞ്ഞിനെ ആശുപത്രിയിൽ പ്രവേശിപ്പിച്ചിരിക്കുകയാണ്.
അപകടത്തിൽ വീട്ടിലെ വൈദ്യുതി മീറ്റർ ബോർഡും ടെലിഫോൺ റിസീവറും ബോക്സും പൊട്ടിത്തെറിച്ചു. ഫ്രിഡ്ജ്, ഫാൻ, ബൾബ് എന്നിവക്ക് കേടുപാടുകൾ സംഭവിച്ചു. കെഎസ്ഇബി ഉദ്യോഗസ്ഥർ വീട് സന്ദർശിച്ചു.
Read also: അപകടത്തിൽ പെട്ട ബോട്ട് പൂർണമായും മുങ്ങി; രക്ഷാപ്രവർത്തനം പ്രതിസന്ധിയിൽ