വാക്‌സിൻ ക്ഷാമമില്ല, വിതരണത്തിൽ പിടിപ്പുകേട്; സംസ്‌ഥാനങ്ങളെ കുറ്റപ്പെടുത്തി കേന്ദ്രം

By Trainee Reporter, Malabar News
Covid-Vaccine
Representational IMage
Ajwa Travels

ന്യൂഡെൽഹി: കോവിഡ് വാക്‌സിൻ ക്ഷാമമെന്ന ഒരു പ്രശ്‌നം രാജ്യത്തില്ലെന്ന് കേന്ദ്ര ആരോഗ്യമന്ത്രാലയ സെക്രട്ടറി രാജേഷ് ഭൂഷൺ. എന്നാൽ വിതരണത്തിലെ പിടിപ്പുകേടുകൊണ്ട് വാക്‌സിൻ പാഴാകുന്നത് ഒരു പ്രശ്‌നം തന്നെയാണെന്ന് അദ്ദേഹം പറഞ്ഞു. പല സംസ്‌ഥാനങ്ങളും 8 മുതൽ 9 ശതമാനം വരെ വാക്‌സിനുകൾ പാഴാക്കുന്നുണ്ടെന്ന് ആരോഗ്യ സെക്രട്ടറി വാർത്താ സമ്മേളനത്തിൽ അറിയിച്ചു. എന്നാൽ കേരളത്തിൽ ഒരു ശതമാനം പോലും വാക്‌സിൻ പാഴാകുന്നില്ലെന്നും അദ്ദേഹം കൂട്ടിച്ചേർത്തു.

ചെറിയ സംസ്‌ഥാനങ്ങൾക്ക് 8 മുതൽ 9 ദിവസത്തിനിടെ വാക്‌സിൻ എത്തിക്കുന്നുണ്ട്. എന്നാൽ വലിയ സംസ്‌ഥാനങ്ങൾക്ക് 15 ദിവസത്തിനിടെയാണ് വാക്‌സിൻ എത്തിക്കുന്നത്.

13.10 കോടി ഡോസ് വാക്‌സിനുകളാണ് ഇതുവരെ വിവിധ സംസ്‌ഥാനങ്ങൾക്ക് നൽകിയത്. ഇതിൽ 11.43 കോടി ഡോസുകൾ ഇതുവരെ ഉപയോഗിച്ചു. 1.67 കോടി വാക്‌സിൻ ഡോസുകൾ നിലവിൽ വിവിധ സംസ്‌ഥാനങ്ങളുടെ പക്കലുണ്ട്. 2.01 കോടി ഡോസുകൾ ഇപ്പോൾ സംസ്‌ഥാനങ്ങളിലേക്ക് എത്തിച്ചുകൊണ്ടിരിക്കുകയാണ് എന്നും അദ്ദേഹം അറിയിച്ചു.

അതിനിടെ രാജ്യത്തെ കോവിഡ് കേസുകൾ വർധിക്കുന്നത് ആശങ്ക ഉളവാക്കുന്നതാണെന്ന് കേന്ദ്ര ആരോഗ്യ മന്ത്രാലയ സെക്രട്ടറി കൂട്ടിച്ചേർത്തു. രാജ്യത്ത് കോവിഡ് ബാധിച്ചവരിൽ 89.51 ശതമാനം പേർ രോഗമുക്‌തി നേടി. 1.25 ശതമാനം പേർ മരിച്ചു. 9.24 ശതമാനം ആളുകൾ നിലവിൽ കോവിഡ് ചികിൽസയിൽ കഴിയുകയാണ്.

Read also: കോവിഡ് രൂക്ഷം; മഹാരാഷ്‌ട്രയിൽ റമദാൻ മാസത്തിലെ കൂട്ടായ്‌മകൾക്ക് നിരോധനം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE