ലോകവിപണിയില് പുതിയ രണ്ടു സ്മാര്ട്ട് ഫോണുകള് പുറത്തിറക്കി നോക്കിയ. 10000 രൂപ റെയിഞ്ചില് വാങ്ങാന് സാധിക്കുന്ന നോക്കിയ 3.4, നോക്കിയ 2.4 എന്നി സ്മാര്ട്ട് ഫോണുകളാണ് ഇപ്പോള് വിപണിയില് എത്തിച്ചിരിക്കുന്നത്.
നോക്കിയ 3.4 സവിശേഷതകള്:
6.39 ഇഞ്ചിന്റെ എച്ച് ഡി പ്ലസ് ഡിസ്പ്ലേയോട് കൂടിയാണ് ഈ സ്മാര്ട്ട് ഫോണുകള് എത്തിയിരിക്കുന്നത്. കൂടാതെ 720×1,560 പിക്സല് റെസലൂഷനും ഈ സ്മാര്ട്ട് ഫോണുകള് കാഴ്ചവെക്കുന്നുണ്ട്. അതോടൊപ്പം 19.5:9 ആസ്പെക്റ്റ് ആനുപാതികതയും ഇവയുടെ സവിശേഷതയാണ്. 3 ജിബി റാം, 4 ജിബിയുടെ റാം എന്നി വേരിയന്റുകളില് ഈ സ്മാര്ട്ട്ഫോണ് ലഭ്യമാണ്. ട്രിപ്പിള് പിന് ക്യാമറകളാണ് ഇവയുടെ പ്രധാന സവിശേഷത. 13 മെഗാപിക്സല് + 8 മെഗാപിക്സല് + 2 മെഗാപിക്സല് ട്രിപ്പിള് പിന് ക്യാമറകളും കൂടാതെ 8 മെഗാപിക്സലിന്റെ സെല്ഫി ക്യാമറകളും ഈ സ്മാര്ട്ട് ഫോണുകള്ക്ക് നല്കിയിരിക്കുന്നു. കൂടാതെ 4,000 mAhന്റെ ബാറ്ററി ലൈഫും ഇവ കാഴ്ചവെക്കുന്നുണ്ട്. ഇന്ത്യന് വിപണിയില് എത്തുമ്പോള് ഏകദേശം 13,700 രൂപയാണ് ഈ സ്മാര്ട്ട്ഫോണുകളുടെ വില.
National News: ദീപിക പദുക്കോൺ ഉൾപ്പെടെ നാലു പേർക്ക് സമൻസ്
നോക്കിയ 2.4 സവിശേഷതകള്:
6.5 ഇഞ്ചിന്റെ എച്ച് ഡി പ്ലസ് ഡിസ്പ്ലേയിലാണ് ഈ സ്മാര്ട്ട് ഫോണുകള് എത്തിയിരിക്കുന്നത്. കൂടാതെ 720×1,600 പിക്സല് റെസലൂഷനും ഇവ കാഴ്ചവെക്കുന്നു. 20:9 ആണ് ആസ്പെക്റ്റ് അനുപാതം. 2 ജിബിയുടെ റാം, 3 ജിബി റാം എന്നി വേരിയന്റുകളില് ഇവ ലഭ്യമാണ്. ഡ്യൂവല് പിന് ക്യാമറകളുമായാണ് ഈ സ്മാര്ട്ട് ഫോണുകള് ഇപ്പോള് എത്തിയിരിക്കുന്നത്. 13 മെഗാപിക്സല് + 2 മെഗാപിക്സല് ഡ്യൂവല് പിന് ക്യാമറകളും കൂടാതെ 5 മെഗാപിക്സലിന്റെ സെല്ഫി ക്യാമറകളും ഈ സ്മാര്ട്ട് ഫോണുകള്ക്ക് സ്വന്തം. 4,500 mAh ആണ് ഇതിന്റെ ബാറ്ററി ലൈഫ്. ഇന്ത്യന് വിപണിയില് എത്തുമ്പോള് ഏകദേശം 10,300 രൂപയാണ് ഇതിന് വില വരിക.
Read Also: ജനങ്ങളെ സ്വാധീനിച്ച 100 പേര്; ഇന്ത്യന് സിനിമയില് നിന്ന് ആയുഷ്മാൻ ഖുറാന