മസ്‌കറ്റ്: ഒമാനിൽ സ്വകാര്യ കമ്പനികൾക്ക് കോവിഡ് വാക്‌സിൻ സംഭരിക്കാൻ അനുമതി. ജീവനക്കാർക്ക് വേണ്ടി വാക്‌സിൻ ശേഖരിക്കാനാണ് കമ്പനികൾക്ക് അനുമതി നൽകിയത്.
വാക്‌സിൻ സംഭരിക്കാൻ ആഗ്രഹിക്കുന്ന കമ്പനികൾ തൊഴിലാളികളുടെ എണ്ണവും മറ്റു വിവരങ്ങളും അറിയിക്കണമെന്ന് ആരോഗ്യ മന്ത്രാലയം അറിയിച്ചിട്ടുണ്ട്. എന്നാൽ സൂക്ഷിച്ചുവെക്കുന്ന വാക്‌സിന്റെ വിലയായ 20ഒമാൻ റിയാൽ കമ്പനികൾ വഹിക്കണമെന്നും മന്ത്രാലയം വ്യക്‌തമാക്കി.
അന്താരാഷ്‌ട്ര തലത്തിൽ തന്നെ വാക്‌സിൻ ലഭിക്കാൻ കടുത്ത മൽസരാന്തരീക്ഷം നിലനിൽകുന്ന സാഹചര്യത്തിൽ ഒമാൻ ആരോഗ്യ മന്ത്രാലയം ഇതിന്റെ ലഭ്യത ഉറപ്പുവരുത്താൻ പരിശ്രമിച്ചു കൊണ്ടിരിക്കയാണ്.
കൊറോണക്കെതിരായ വാക്‌സിൻ ഉൽപാദിപ്പിക്കുന്ന വിവിധ കമ്പനികളുമായും ‘അന്താരാഷ്‌ട്ര വാക്‌സിൻ അലയൻസ്’വുമായും മന്ത്രാലയം ഇക്കാര്യത്തിൽ കരാർ ഒപ്പിട്ടുണ്ട്. ഇക്കാര്യത്തിൽ ലോകാരോഗ്യ സംഘടനയുമായും യുനിസെഫുമായും സഹകരിച്ചാണ് പ്രവർത്തനം മുന്നോട്ടു പോകുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
