പാലക്കാട്: ഓണക്കാലത്ത് ജില്ലയിൽ നിന്ന് അധിക സർവീസുകൾ നടത്താനൊരുങ്ങി കെഎസ്ആർടിസി. പാലക്കാട് നിന്ന് വാളയാറിലേക്ക് നാളെ മുതൽ നാല് അധിക സർവീസുകൾ ആരംഭിക്കും. യാത്രക്കാർ കൂടുതൽ ഉണ്ടാവാറുള്ള കോഴിക്കോട്, തൃശൂർ, ഗുരുവായൂർ റൂട്ടുകളിലും യാത്രക്കാരുടെ എണ്ണമനുസരിച്ച് കൂടുതൽ സർവീസുകൾ നടത്തുമെന്നും അധികൃതർ അറിയിച്ചു.
നിലവിൽ കോഴിക്കോട്, തൃശൂർ, ഗുരുവായൂർ റൂട്ടുകളിലേക്ക് ജില്ലയിൽ നിന്ന് അരമണിക്കൂർ ഇടവിട്ട് കെഎസ്ആർടിസി സർവീസ് നടത്തുന്നുണ്ട്. യാത്രക്കാരുടെ എണ്ണം അനുസരിച്ച് ഏതെല്ലാം പ്രദേശങ്ങളിലേക്കാണ് കൂടുതൽ സർവീസുകൾ വേണ്ടതെന്ന് പരിശോധിച്ച് തീരുമാനിക്കും. ഓണത്തോടനുബന്ധിച്ച് ഈ ആഴ്ച സാധാരണ രീതിയിൽ എല്ലാ സർവീസുകളും നടത്തും.
ജില്ലയിൽ നിന്ന് നിലവിൽ 65 സർവീസുകളാണ് കെഎസ്ആർടിസി നടത്തുന്നത്. വെള്ളിയാഴ്ച 5.15 ലക്ഷം രൂപയുടെ വരുമാനമാണ് ലഭിച്ചത്. ഓണത്തിന് കൂടുതൽ സർവീസുകൾ ആരംഭിക്കുന്നതിലൂടെ വരുമാനം വർധിക്കുമെന്ന പ്രതീക്ഷയിലാണ് അധികൃതർ.
Read Also: വാണിമേൽ ടൂറിസം; നടപ്പിലാക്കാതെ നിരവധി പദ്ധതികൾ