കോഴിക്കോട്: വടകര മന്തരത്തൂരിൽ നിന്ന് 500 ലിറ്റർ വാഷും വാറ്റുപകരണങ്ങളും എക്‌സൈസ് സംഘം പിടികൂടി. ഓണം സ്‌പെഷ്യൽ ഡ്രൈവിന്റെ ഭാഗമായി എക്‌സൈസ് സംഘം മണിയൂർ മന്തരത്തൂർ മലയിൽ നടത്തിയ പരിശോധനയിലാണ് ചാരായം വാറ്റാനായി തയ്യാറാക്കിയ നിലയിൽ 500 ലിറ്റർ വാഷും വാറ്റുപകരണങ്ങളും കണ്ടെത്തിയത്.
വടകര എക്‌സൈസ് റേഞ്ച് അസിസ്‌റ്റന്റ്‌ ഇൻസ്‌പെക്‌ടർ വി വിപിൻ കുമാറിന്റെ നേതൃത്വത്തിലാണ് പരിശോധന നടത്തിയത്. പരിശോധനയിൽ പ്രിവന്റീവ് ഓഫിസർ സി രാമകൃഷ്‌ണൻ, എക്‌സൈസ് ഓഫിസർമാരായ ശ്രീരഞ്‌ജ്, മുസ്‌ബിൻ, ശ്യാം രാജ്, വനിതാ സിവിൽ എക്‌സൈസ് ഓഫിസർ സീമ, എക്‌സൈസ് ഡ്രൈവർ ബബിൻ എന്നിവർ പങ്കെടുത്തു.
Read Also: ചുരം ബൈപ്പാസ് പദ്ധതിക്ക് വീണ്ടും ചിറക് മുളയ്‌ക്കുന്നു
