മസ്കറ്റ്: ഒമാനിൽ ഒരാഴ്ച ക്വാറന്റെയ്ൻ നിർബന്ധമാക്കി ഉത്തരവ്. രാജ്യത്ത് എത്തുന്ന വിമാന യാത്രക്കാർ സ്വന്തം ചെലവിൽ ഏഴു ദിവസം ഇൻസ്റ്റിറ്റ്യൂഷനൽ ക്വാറന്റെയ്നിൽ കഴിയണം. ഫെബ്രുവരി 15 തിങ്കളാഴ്ച രാത്രി 12 മുതൽ ഉത്തരവ് പ്രാബല്യത്തിൽ വരും.
യാത്ര പുറപ്പെടുന്നതിന് മുൻപ് ഹോട്ടൽ ബുക്കിങ് ഉറപ്പാക്കണമെന്ന് വിമാന കമ്പനികൾക്ക് സിവിൽ ഏവിയേഷൻ അതോറിറ്റി നിർദേശം നൽകി. ഏഴ് രാത്രിയിലേക്കാണ് ഹോട്ടൽ ബുക്കിങ് നടത്തേണ്ടത്.
രാജ്യത്തെ ഏതു ഹോട്ടലുകളിലും യാത്രക്കാർക്ക് ക്വാറന്റെയ്നിനായി ഹോട്ടൽ ബുക്ക് ചെയ്യാം. സ്വദേശികൾക്കും വിദേശികൾക്കും സന്ദർശന വിസയിൽ എത്തുന്നവർക്കും ഈ ഉത്തരവ് ബാധകമായിരിക്കും എന്ന് അധികൃതർ അറിയിച്ചു.
Also Read: രാജസ്ഥാനില് ട്രാക്ടര് റാലിയുമായി രാഹുല് ഗാന്ധി