തിരുവനന്തപുരം: വിവാദമായ മൊബൈൽ ആപ്പ് വഴിയുള്ള വായ്‌പാ തട്ടിപ്പുകൾ അന്വേഷിക്കാൻ ക്രൈംബ്രാഞ്ച് പ്രത്യേക സംഘത്തിന് രൂപം നൽകി. ക്രൈംബ്രാഞ്ച് എറണാകുളം റേഞ്ച് ഐജി ഗോപേഷ് അഗർവാളാണ് സംഘത്തിന് നേതൃത്വം നൽകുക. എറണാകുളം റേഞ്ച് ഡി ഐ ജി കാളിരാജ് മഹേഷ് കുമാർ, ക്രൈംബ്രാഞ്ച് എസ്‌പിമാരായ സാബു മാത്യു, എം ജെ സോജൻ, ഡിവൈഎസ്‌പിമാരായ പി വിക്രമൻ, കെആർ ബിജു, പി അനിൽകുമാർ എന്നിവർ അടങ്ങുന്നതാണ് അന്വേഷണ സംഘം.
മറ്റു സംസ്‌ഥാനങ്ങളിലെ പൊലീസ്, സിബിഐ, ഇന്റർപോൾ എന്നിവയുടെ സഹകരണത്തോടെ ആയിരിക്കും അന്വേഷണം. തട്ടിപ്പുസംഘത്തിന് മറ്റു സംസ്‌ഥാനങ്ങളിൽ നിന്നും വിദേശത്തുനിന്നും സഹായം ലഭിക്കുന്നുണ്ടെന്നാണ് സൂചന. ഓൺലൈൻ വായ്‌പാ തട്ടിപ്പ് സംബന്ധിച്ച് സംസ്‌ഥാനത്തെ വിവിധ പോലീസ് സ്‌റ്റേഷനുകളിൽ രജിസ്‌റ്റർ ചെയ്‌തിട്ടുള്ള കേസുകൾ പ്രത്യേക സംഘത്തിന് കൈമാറാനാണ് നിർദേശം.
Read Also: ആറ് രാജ്യങ്ങളിലേക്ക് വാക്‌സിൻ കയറ്റി അയക്കുമെന്ന് വിദേശകാര്യ മന്ത്രാലയം
