ന്യൂഡെൽഹി: രാജ്യത്തെ ഓക്സിജൻ ക്ഷാമം പരിഹരിക്കാൻ അടിയന്തിര നടപടിയുമായി കേന്ദ്രസർക്കാർ. വ്യാവസായിക ആവശ്യങ്ങൾക്ക് ഉപയോഗിക്കുന്ന ഓക്സിജൻ മെഡിക്കൽ ആവശ്യങ്ങൾക്കായി ഉപയോഗിക്കാമെന്ന് കേന്ദ്ര സർക്കാർ നിർദേശം നൽകി. ഇക്കാര്യം ചൂണ്ടിക്കാണിച്ച് കേന്ദ്ര ആഭ്യന്തര സെക്രട്ടറി സംസ്ഥാനങ്ങൾക്ക് കത്തയച്ചു. വ്യവസായ ആവശ്യങ്ങൾക്ക് ഓക്സിജൻ വിതരണം ചെയ്യുന്നത് നിരോധിക്കാനും കേന്ദ്ര നിർദേശത്തിൽ പറയുന്നു.
ഡെൽഹിയിൽ ഓക്സിജൻ ലഭ്യതയിൽ കുറവ് വന്നതോടെ മുഖ്യമന്ത്രി അരവിന്ദ് കെജ്രിവാൾ കേന്ദ്ര വാണിജ്യ വ്യവസായ മന്ത്രി പീയൂഷ് ഗോയലിന് കത്തെഴുതിയിരുന്നു. തുടർന്നാണ് കേന്ദ്രത്തിന്റെ പുതിയ ഉത്തരവ്.
Read also: കോവിഡ് മൂന്നാം തരംഗം ഉണ്ടായേക്കാം; സംസ്ഥാനം നേരിടുമെന്ന് ആദിത്യ താക്കറെ