കൊച്ചി: ഓൺലൈൻ റമ്മി കളിക്ക് എതിരായ പൊതുതാൽപര്യ ഹരജി ഹൈക്കോടതി ഇന്ന് പരിഗണിക്കും. ഓൺലൈൻ റമ്മി നിരോധിക്കണമെന്ന് ആവശ്യപ്പെട്ട് തൃശൂർ സ്വദേശി പൊളി വടക്കൻ സമർപ്പിച്ച ഹരജിയാണ് ചീഫ് ജസ്റ്റിസ് അധ്യക്ഷനായ ഡിവിഷൻ ബെഞ്ച് ഇന്ന് പരിഗണിക്കുക. ഹരജിയിൽ ഓൺലൈൻ റമ്മിയുടെ ബ്രാൻഡ് അംബാസഡർമാരായ വിരാട് കോഹ്ലി, തമന്ന, അജു വർഗീസ് എന്നിവർക്ക് കോടതി കഴിഞ്ഞ ദിവസം നോട്ടീസ് അയച്ചിരുന്നു.
കേരള ഗെയിമിംഗ് ആക്ട് പ്രകാരം ചൂതാട്ടം ശിക്ഷാർഹമാണെങ്കിലും ഓൺലൈൻ റമ്മിയടക്കമുള്ള കളികൾക്ക് നിയന്ത്രണമില്ലെന്നും അതിനാൽ ഇത്തരം ഓൺലൈൻ ഗെയിമുകൾ നിരോധിക്കണമെന്നുമാണ് ഹർജിക്കാരന്റെ ആവശ്യം. അതേസമയം വിഷയത്തിൽ സംസ്ഥാന സർക്കാരിന്റെ നിലപാട് ഇന്ന് കോടതിയിൽ വ്യക്തമാക്കും.
Read also: സംഘടനാ വിരുദ്ധ പ്രവര്ത്തനം നടത്തിയാല് കര്ശന നടപടി; മുഖ്യമന്ത്രി പിണറായി വിജയന്