മലപ്പുറം : ഇത്തവണത്തെ നിയമസഭാ തിരഞ്ഞെടുപ്പിൽ റെക്കോർഡ് ഭൂരിപക്ഷത്തോടെ വേങ്ങരയിൽ വിജയിക്കുമെന്ന് പ്രഖ്യാപിച്ച് പികെ കുഞ്ഞാലിക്കുട്ടി. ഒപ്പം തന്നെ ഇത്തവണത്തെ തിരഞ്ഞെടുപ്പിൽ മലപ്പുറം ജില്ല യുഡിഎഫ് തൂത്തുവാരുമെന്നും, മണ്ഡലത്തിൽ വികസനത്തിന്റെ രണ്ടാംഘട്ടം തുടങ്ങിവെക്കുമെന്നും അദ്ദേഹം വ്യക്തമാക്കി.
കൂടാതെ ഇപ്പോൾ പുറത്തുവരുന്ന സർവേകളിൽ ആളുകൾക്ക് വിശ്വാസമില്ലെന്നും സംസ്ഥാനത്ത് യുഡിഎഫ് ഇത്തവണ അധികാരത്തിൽ വരുമെന്നും കുഞ്ഞാലിക്കുട്ടി മാദ്ധ്യമങ്ങളോട് പറഞ്ഞു. സ്ഥാനാർഥി നിർണയത്തിന് ശേഷമുള്ള അഭിപ്രായ സർവേകളിൽ മാറ്റം ഉണ്ടാകുമെന്നും, അതിനാൽ തന്നെ വരും ദിവസങ്ങളിൽ പുറത്തുവരുന്ന സർവേകൾ യുഡിഎഫിന് അനുകൂലമായിരിക്കും എന്നും അദ്ദേഹം കൂട്ടിച്ചേർത്തു.
Read also : ദേശീയപാത വികസനം; സർവീസ് റോഡില്ലാത്തതിന് എതിരെ പ്രതിഷേധം ശക്തമാകുന്നു