മലപ്പുറം: ജില്ലയിലെ പ്ളസ് വൺ സീറ്റുകളുടെ കുറവ് സർക്കാർ പരിഹരിക്കാത്തതിന് എതിരെ കോടതിയെ സമീപിക്കാന് ഒരുങ്ങി ജില്ലാ പഞ്ചായത്ത്. ജില്ലയിൽ പുതിയ ഹയർസെക്കണ്ടറി ബാച്ചുകൾ അനുവദിക്കണമെന്നും സീറ്റുകൾ വർധിപ്പിക്കണമെന്നും ജില്ലാ പഞ്ചായത്ത് കോടതിയോട് ആവശ്യപ്പെടും.
പ്ളസ് വൺ ആദ്യഘട്ട അലോട്മെന്റില് 77,837 അപേക്ഷകരില് 30,882 പേര്ക്ക് മാത്രമാണ് മലപ്പുറം ജില്ലയിൽ പ്ളസ് വൺ പ്രവേശനം ലഭിച്ചത്. സംവരണ വിഭാഗങ്ങളിലേക്കും മാനേജ്മെന്റ്, സ്പോർട്സ് ക്വോട്ടകളിൽ അലോട്മെന്റ് പൂർത്തിയായാലും നിരവധി വിദ്യാർഥികൾ സീറ്റ് ലഭിക്കാത്തവരായുണ്ടാകും .
മലപ്പുറം ജില്ലയിലെ പ്ളസ് വൺ സീറ്റുകളുടെ കുറവ് നികത്തണമെന്ന് ആവശ്യപെട്ട് നേരത്തെ തന്നെ ജില്ലാ പഞ്ചായത്ത് പ്രതിനിധികൾ വിദ്യാഭ്യാസ മന്ത്രിയെ നേരിൽ കണ്ടിരുന്നു. അലോട്മെന്റുകൾ ആരംഭിച്ചിട്ടും സർക്കാരിന്റെ ഭാഗത്ത് നിന്നും പ്രശ്ന പരിഹാര നടപടി ഇല്ലാതായതോടെയാണ് ജില്ലാ പഞ്ചായത്തിന്റെ നീക്കം.
Malabar News: കാഞ്ഞങ്ങാട്- പാണത്തൂർ റോഡ്; ടെൻഡർ നടപടി പൂർത്തിയായി