ന്യൂ ഡെല്ഹി: പ്രധാനമന്ത്രിയുടെ പ്രതിമാസ റേഡിയോ പരിപാടിയായ മന് കി ബാത്തിലേക്ക് ആശയങ്ങള് ക്ഷണിച്ച് നരേന്ദ്ര മോദി. ഒക്ടോബര് 25 ന് നടക്കുന്ന മന് കി ബാത്തിന്റെ 70താമത് പതിപ്പിലേക്കാണ് പ്രധാനമന്ത്രി നരേന്ദ്ര മോദി ശനിയാഴ്ച ആശയങ്ങള് ക്ഷണിച്ചത്.
#MannKiBaat presents a great opportunity to share inspiring journeys of outstanding citizens and discuss themes that power societal change. This month’s programme will take place on the 25th. Share your ideas on the NaMo App, MyGov or record your message. https://t.co/qVG7YLhsuY pic.twitter.com/P1IccJxV3j
— Narendra Modi (@narendramodi) October 10, 2020
രാജ്യത്തെ അവിസ്മരണീയ നേട്ടങ്ങള് കൊയ്ത പൗരന്മാരുടെ പ്രചോദനാത്മകമായ ജീവിത യാത്രകള് പങ്കിടാനും സാമൂഹ്യ മാറ്റത്തിന് സഹായകമാവുന്ന നൂതന ആശയങ്ങള് പങ്കുവെക്കാനുമുള്ള മികച്ച അവസരമാണ് മാന് കി ബാത്തിലൂടെ സാധ്യമാവുന്നതെന്ന് പ്രധാനമന്ത്രി ട്വിറ്ററിലൂടെ അറിയിച്ചു. ഈ മാസത്തെ പരിപാടി 25 ന് നടക്കുമെന്നും നമോ ആപ്പിലൂടെയോ മൈഗവ് ആപ്പിലൂടെയോ നിങ്ങളുടെ ആശയങ്ങള് പങ്കുവെക്കണമെന്നും പ്രധാനമന്ത്രി ട്വീറ്റ് ചെയ്തു.
എല്ലാ മാസത്തെയും അവസാനത്തെ ഞായറാഴ്ചയാണ് ആകാശവാണിയിലൂടെ പരിപാടി സംപ്രേഷണം ചെയ്യുന്നത്. 2014 ല് ആണ് മന് കി ബാത് ആദ്യമായി സംപ്രേഷണം ചെയ്തു തുടങ്ങിയത്. ഏറ്റവും ഒടുവിലത്തെ മന് കി ബാത് പരിപാടിയില് പ്രധാനമന്ത്രി ജനങ്ങളോട് കഥകള് പങ്കുവെക്കാന് ആവശ്യപ്പെട്ടിരുന്നു.
Read Also: സ്വപ്ന സുരേഷ് വിദേശത്തേക്ക് 1,90,000 ഡോളര് കടത്തി; കസ്റ്റംസ്