വയനാട് : കോവിഡ് വ്യാപനത്തിന്റെ പശ്ചാത്തലത്തിൽ ആർടിപിസിആർ പരിശോധന ഫലം നിർബന്ധമാക്കിയതോടെ ആളൊഴിഞ്ഞ് നീലഗിരി. ആർടിപിസിആർ നെഗറ്റീവ് ഫലം ഹാജരാക്കുന്നവർക്ക് മാത്രമാണ് ഇപ്പോൾ ജില്ലയിൽ പ്രവേശനം അനുവദിക്കുന്നത്. ഇതോടെ അതിർത്തി ചെക്ക്പോസ്റ്റുകളിൽ പരിശോധനയും കർശനമാണ്.
നാടുകാണി, താളൂർ, പാട്ടവയൽ, നമ്പ്യാർകുന്ന്, കക്കനഹള്ള, ചോലാടി, കുഞ്ചപ്പന ചെക്ക്പോസ്റ്റുകളിലാണ് നിലവിൽ കർശന പരിശോധന. സംസ്ഥാനത്തെ മറ്റ് ജില്ലകളിൽ നിന്നും നീലഗിരിയിലേക്ക് എത്തുന്ന ആളുകൾക്ക് ആർടിപിസിആർ നെഗറ്റീവ് ഫലം നിർബന്ധമാണ്. ഈ സാഹചര്യത്തിൽ നീലഗിരിയിൽ എത്തുന്ന സഞ്ചാരികളുടെ എണ്ണത്തിൽ ഗണ്യമായ കുറവാണ് ഉണ്ടായിരിക്കുന്നത്. കൂടാതെ കോവിഡ് വ്യാപനം തടയുന്നതിന്റെ ഭാഗമായി ഇവിടുത്തെ വിനോദ സഞ്ചാര കേന്ദ്രങ്ങൾ പൂർണമായും അടച്ചിട്ടിരിക്കുകയാണ്.
Read also : പൊള്ളിച്ച് പെട്രോൾ; നിയന്ത്രണമില്ലാതെ തീ വില; ഇന്നും കൂടി