ഇടപ്പള്ളിയിൽ കൊല്ലപ്പെട്ട ഓട്ടോ ഡ്രൈവറുടെ പോസ്‌റ്റ്‌മോർട്ടം റിപ്പോർട് പുറത്ത്

By News Desk, Malabar News
കൊല്ലപ്പെട്ട കൃഷ്‌ണകുമാർ

ഇടപ്പള്ളി: എറണാകുളം ഇടപ്പള്ളി പീലിയോട് കൊല്ലപ്പെട്ട ഓട്ടോ ഡ്രൈവറുടെ പ്രാഥമിക പോസ്‌റ്റുമോർട്ടം റിപ്പോർട് പുറത്ത്. കമ്പിവടി കൊണ്ട് നെഞ്ചിലേറ്റ ശക്‌തമായ അടിയാണ് മരണകാരണമെന്ന് റിപ്പോർട് സ്‌ഥിരീകരിച്ചു.

ഇടപ്പള്ളി നോർത്ത് സ്വദേശി കൃഷ്‌ണകുമാറാണ് കൊല്ലപ്പെട്ടത്. സംഭവത്തിൽ എആർ ക്യാംപിലെ സിവിൽ പോലീസ് ഉദ്യോഗസ്‌ഥനായ കുന്നുംപുറം സ്വദേശി ബിജോയ്, നെട്ടൂർ സ്വദേശി ഫൈസൽ എന്നിവരടക്കം ആറ് പേരെ പോലീസ് അറസ്‌റ്റ്‌ ചെയ്‌തിരുന്നു. പ്രതികൾക്കെതിരെ സംഘം ചേരൽ, ഗൂഢാലോചന തുടങ്ങിയ വകുപ്പുകൾ ചുമത്തും.

ഇവരെ ഇന്ന് വൈകിട്ട് കോടതിയിൽ ഹാജരാക്കും. കൂടുതൽ അന്വേഷണത്തിനായി പ്രതികളെ ഏഴ് ദിവസത്തെ കസ്‌റ്റഡിയിൽ വിട്ടുകിട്ടണമെന്ന് പോലീസ് ആവശ്യപ്പെടും. സാമ്പത്തിക ഇടപാടിനെ ചൊല്ലിയുണ്ടായ തർക്കമാണ് കൃഷ്‌ണകുമാറിന്റെ കൊലപാതകത്തിലേക്ക് നയിച്ചതെന്നാണ് പോലീസിന്റെ കണ്ടെത്തൽ. മദ്യപിച്ച് കൊണ്ടിരിക്കെ പ്രതികൾ കൃഷ്‌ണകുമാറിനെ വിളിച്ചുവരുത്തി കൊലപ്പെടുത്തുകയായിരുന്നു. പ്രതികളിൽ ഒരാളായ പോലീസുകാരനെ സസ്‌പെൻഡ് ചെയ്‌തിട്ടുണ്ട്‌.

Also Read: കരിപ്പൂര്‍ സ്വര്‍ണക്കടത്ത്; ചോദ്യം ചെയ്യലിന് ഹാജരാവില്ലെന്ന് മുഹമ്മദ് ഷാഫി

Mechart

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE