കൊച്ചി: സാമൂഹിക മാദ്ധ്യമങ്ങള് ഉള്പ്പെടെയുള്ള വിവിധ മാദ്ധ്യമങ്ങളില് തിരഞ്ഞെടുപ്പ് പരസ്യങ്ങള് നല്കുന്നതിന് മുന്കൂര് അനുമതി വാങ്ങിയിരിക്കണമെന്ന് തിരഞ്ഞെടുപ്പ് കമ്മീഷന്. മാദ്ധ്യമ സ്ഥാപനങ്ങള് എംസിഎംസിയുടെ അനുമതിയുള്ള പരസ്യ മാറ്ററുകള് മാത്രമേ സ്വീകരിക്കാന് പാടുള്ളൂ.
ടെലിവിഷന് ചാനലുകള്, പ്രാദേശിക കേബിള് ചാനലുകള്, റേഡിയോ, സാമൂഹ്യ മാദ്ധ്യമങ്ങള്, എസ്എംഎസ്, സിനിമാ ശാലകള് ഉള്പ്പെടെയുള്ള മറ്റ് ദൃശ്യ, ശ്രാവ്യ മാദ്ധ്യമ സങ്കേതങ്ങള്, പൊതു സ്ഥലങ്ങളിലെ വീഡിയോ, ഓഡിയോ പ്രദര്ശനം, വോയ്സ് മെസെജുകള്, എസ്എംഎസുകള്, ദിനപ്പത്രങ്ങളുടെ ഇ പേപ്പറുകള് തുടങ്ങിയവയിലെ പരസ്യങ്ങള്ക്കെല്ലാം മുന്കൂര് അനുമതി തേടിയിരിക്കണം.
കാക്കനാട് സിവില് സ്റ്റേഷനില് ഇന്ഫര്മേഷന് പബ്ളിക്ക് റിലേഷന്സ് വകുപ്പിന്റെ മീഡിയ സെന്ററിലാണ് പരസ്യങ്ങള്ക്കുള്ള മുന്കൂര് അനുമതി ലഭ്യമാക്കുന്ന എംസിഎംസിയുടെ മീഡിയ സര്ട്ടിഫിക്കേഷന് സെല് പ്രവര്ത്തിക്കുന്നത്. രാവിലെ 10 മുതല് വൈകിട്ട് അഞ്ച് വരെ എല്ലാ പ്രവര്ത്തി ദിവസങ്ങളിലും സെല് പ്രവര്ത്തിക്കും.
മീഡിയ ഹാളില് സജ്ജീകരിച്ചിരിക്കുന്ന എംസിഎംസിയുടെ മീഡിയ മോണിറ്ററിംഗ് സെല് ദിവസം മുഴുവന് എല്ലാ മാദ്ധ്യമങ്ങളും നിരീക്ഷിക്കും. അനുമതിയില്ലാത്ത പരസ്യങ്ങള് കണ്ടെത്തി രാഷ്ട്രീയ പാര്ട്ടിയുടെയും സ്ഥാനാര്ഥികളുടയും തിരഞ്ഞെടുപ്പ് ചിലവില് ഉള്പ്പെടുത്തും.
പാര്ട്ടികളുടെ പ്രതിനിധികളും സ്ഥാനാര്ഥികളും പരസ്യങ്ങള് സംപ്രേഷണമോ പ്രക്ഷേപണമോ ചെയ്യുന്നതിന് മൂന്നു ദിവസം മുന്പെങ്കിലും വിശദ വിവരങ്ങളോടെ നിശ്ചിത ഫോമില് അപേക്ഷ എംസിഎംസി സെല്ലില് സമര്പ്പിക്കണം. പരസ്യം നല്കുന്നത് മറ്റ് സംഘടനകളാണെങ്കില് ഏഴു ദിവസം മുന്പ് സമര്പ്പിക്കണം.
മാദ്ധ്യമങ്ങളില് സ്ഥാനാര്ഥിയുടെ അറിവോടെയും അനുമതിയോടെയും വരുന്ന പരസ്യങ്ങളുടെ ചെലവ് സ്ഥാനാര്ഥിയുടെ തിരഞ്ഞെടുപ്പ് ചെലവില് ഉള്പ്പെടുത്തും. സ്ഥാനാര്ഥിയുടെ അറിവില്ലാതെയാണ് പരസ്യത്തിന്റെ പ്രസിദ്ധീകരണവും സംപ്രേക്ഷണവും എങ്കില് പ്രസാധകനെതിരെ നിയമ നടപടിക്ക് ശുപാര്ശ ചെയ്യും.
Business News: യാത്രാ വാഹനങ്ങൾക്കായി ടാറ്റ മോട്ടോഴ്സ് പുതിയ കമ്പനി രൂപീകരിക്കും