ഇടുക്കി: മുന്നറിയിപ്പില്ലാതെ മുല്ലപ്പെരിയാർ ഡാം അർധ രാത്രിയില് തുറന്നുവിട്ടതിനെതിരെ പ്രതിഷേധം ശക്തം. പെരിയാർ തീരവാസികള് വണ്ടിപ്പെരിയാറില് ദേശീയ പാത ഉപരോധിച്ചു. അർധരാത്രി ഡാം തുറന്നതോടെ പെരിയാർ തീരത്തെ വീടുകള് വെള്ളത്തിലായതാണ് പ്രതിഷേധത്തിന് ഇടയാക്കിയത്.
മുന്നറിയിപ്പില്ലാതെ ഡാം തുറന്നതോടെ പെരിയാറിനോട് ചേർന്നുകിടക്കുന്ന കടശ്ശിക്കാട്, മഞ്ചുമല മേഖലകളിലാണ് വെള്ളം കയറിയത്. സുരക്ഷിത സ്ഥാനത്തേക്ക് മാറുന്നത് പോയിട്ട്, വീടിനുള്ളിലെ സാധനങ്ങള് മാറ്റിവെക്കാന് പോലും കഴിഞ്ഞില്ല. മുന്നറിയിപ്പ് നല്കാന് അനൗണ്സ്മെന്റ് വാഹനമെത്തിയത് പുലർച്ചെ അഞ്ചരയോടെ മാത്രമാണ്. ഈ സമയത്ത് വീടുകള് മുങ്ങിക്കഴിഞ്ഞിരുന്നു.
യാതൊരു മുന്നറിയിപ്പുമില്ലാതെ ഡാം തുറന്നതില് തമിഴ്നാട് സർക്കാരിനെയും തീരവാസികള് കുറ്റപ്പെടുത്തി. വണ്ടിപ്പെരിയാറില് കൊട്ടാരക്കര- ദിണ്ഡിഗല് ദേശീയപാത ഉപരോധിച്ചു. സുരക്ഷിത സ്ഥാനത്തേക്ക് മാറാന് പോലും സമയം തരാതെ ഡാം തുറന്നാല് സമരത്തിന്റെ രീതി തീരവാസികളുടെ താക്കീത്.
Read Also: വിലക്കയറ്റം; തെങ്കാശിയിലെ കർഷകരിൽ നിന്ന് ഹോർട്ടികോർപ്പ് നേരിട്ട് പച്ചക്കറി ശേഖരിക്കും