ലുധിയാന: പഞ്ചാബ് മന്ത്രിസഭയിലെ പുതിയ മന്ത്രിമാരുടെ വകുപ്പുകളിൽ തീരുമാനമായി. പുനഃസംഘടന നടന്നതിന് ശേഷം പൊതുഭരണം, നിയമം, എക്‌സൈസ്, ടൂറിസം തുടങ്ങി പതിനാല് വകുപ്പുകൾ മുഖ്യമന്ത്രിയായ ചരൺ ജിത്ത് സിംഗ് ചെന്നിക്ക് തന്നെയാണ്.
ഉപമുഖ്യമന്ത്രിമാരായ സുഖ്‌ജിന്ദർ സിംഗ് രൻദ്വായ്‌ക്ക് ആഭ്യന്തരം, സഹകരണം എന്നീ വകുപ്പുകളും ഓം പ്രകാശ് സോണിക്ക് ആരോഗ്യ, പ്രതിരോധ വകുപ്പുകളും നൽകി. മന്ത്രിസഭയിലെ സുപ്രധാന വകുപ്പുകൾ സിദ്ദു അനുകൂലികളായ മന്ത്രിമാർക്കാണ് നൽകിയിരിക്കുന്നത്.
വിമർശനങ്ങൾ ഏറെ ഏറ്റുവാങ്ങിയ റാണാ ഗുർജിത് സിംഗിന് സാങ്കേതിക വിദ്യാഭ്യാസം ഉൾപ്പടെ അപ്രധാന വകുപ്പുകളാണ് നൽകിയത്. മുതിർന്ന നേതാവായ മൻപ്രീത് സിംഗ് ബാദൽ ആണ് ധനവകുപ്പ് കൈകാര്യം ചെയ്യുന്നത്.
മന്ത്രിസഭയിലെ പുതുമുഖങ്ങളായ രാജ് കുമാർ വേർക-സാമൂഹ്യനീതി, ന്യൂനപക്ഷ വകുപ്പുകൾ, സംഘത് സിംഗ് ഗിൾസിൻ-വനം, വന്യജീവി വകുപ്പ്, പാർഗത് സിംഗ്- വിദ്യാഭ്യാസം, കായിക വകുപ്പ്, അമരീന്ദർ സിംഗ് രാജ വാറിങ്-ഗതാഗതം വകുപ്പ്, ഗുരുകിരത് സിംഗ് കോഡ്‌ലി- വ്യവസായം, ഐടി വകുപ്പ് എന്നിങ്ങനെയാണ് ചുമതല നൽകിയിരിക്കുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
