ചണ്ഡീഗഡ്‌: കോവിഡ് രൂക്ഷമായി തുടരുന്ന സാഹചര്യം കണക്കിലെടുത്ത് പഞ്ചാബില്‍ ലോക്ക്ഡൗണ്‍ നീട്ടാൻ തീരുമാനം. മെയ് 31 വരെ ലോക്ക്ഡൗണ്‍ നീട്ടിയതായി മുഖ്യമന്ത്രി അമരീന്ദർ സിങ് അറിയിച്ചു. വാരാന്ത്യ ലോക്ക്ഡൗൺ, നൈറ്റ് കർഫ്യൂ തുടങ്ങിയ എല്ലാ നിയന്ത്രണങ്ങളും കർശനമായി നടപ്പാക്കണമെന്ന് നിർദേശം നൽകിയതായും മുഖ്യമന്ത്രി അറിയിച്ചു.
ഇതുവരെയുള്ള നിയന്ത്രണങ്ങൾ ഫലം കണ്ടിരുന്നു എങ്കിലും നിലവിലെ പോസിറ്റിവിറ്റി നിരക്ക് 13.1 ശതമാനം ആണെന്നും അതിനാൽ നിയന്ത്രണങ്ങൾ നീട്ടേണ്ടതുണ്ടെന്ന് മുഖ്യമന്ത്രി പറഞ്ഞു. കേന്ദ്ര ആഭ്യന്തര മന്ത്രാലയത്തിന്റെയും സംസ്‌ഥാന സർക്കാരിന്റെയും നിർദേശങ്ങളെല്ലാം ജില്ലാ അധികാരികൾ കർശനമായി നടപ്പാക്കണം എന്നും മുഖ്യമന്ത്രി നിർദേശിച്ചു.
Read also: ഇസ്രയേലിനെതിരായ പ്രതിഷേധം കശ്‌മീരിൽ കുറ്റകൃത്യം; മെഹ്‍ബൂബ മുഫ്‌തി
