ദോഹ: മെട്രോ റെയിൽ ശൃംഖല നവീകരിക്കുന്നതിന്റെ ഭാഗമായി വെള്ളിയാഴ്ചകളിലും പെരുന്നാൾ അവധി ദിനത്തിലും നഗരത്തിലെ മെട്രോ സർവീസ് നിർത്തിവെക്കും. ഖത്തർ റെയിൽ അധികൃതരാണ് ഇക്കാര്യം അറിയിച്ചത്. ജൂലൈ ഒൻപത് മുതൽ ആഗസ്റ്റ് 13 വരെയുള്ള എല്ലാ വെള്ളിയാഴ്ചകളിലും, ജൂലൈ 21 മുതൽ 24 വരെ പെരുന്നാൾ അവധി ദിനങ്ങളിലും ദോഹ മെട്രോയുടെ സർവീസ് ഉണ്ടായിരിക്കില്ല.
മെട്രോ ശൃംഖല നവീകരിച്ച് കൂടുതൽ ട്രെയിൻ സർവീസ് നടപ്പാക്കുന്നതിന്റെ ഭാഗമായാണ് നടപടി. ഇതുവഴി, ഭാവിയിൽ ചുരുങ്ങിയ സമയത്തിനുള്ളിൽ കൂടുതൽ ട്രെയിൻ സർവീസുണ്ടാവുമെന്ന് ഖത്തർ റെയിൽ അധികൃതർ അറിയിച്ചു. യാത്രക്കാർക്ക് കൂടുതൽ ബുദ്ധിമുട്ട് ഒഴിവാക്കുന്നതിനായാണ് അവധി ദിവസങ്ങൾ നവീകരണ പ്രവർത്തങ്ങൾക്കായി തിരഞ്ഞെടുത്തതെന്നും അധികൃതർ അറിയിച്ചു.
Read Also: കോവിഡ് ഭേദമായവർ ഒരു ഡോസ് വാക്‌സിൻ സ്വീകരിച്ചാൽ മതി; ഐസിഎംആർ
