ന്യൂ ഡെല്ഹി: ഹത്രസില് കൊല്ലപ്പെട്ട പെണ്കുട്ടിയുടെ വീട് സന്ദര്ശിക്കാനുള്ള രാഹുല് ഗാന്ധിയുടെ നീക്കം രാഷ്ട്രീയം മാത്രമാണെന്ന് കേന്ദ്രമന്ത്രി സ്മൃതി ഇറാനി. ഇരക്ക് നീതി ലഭിക്കാന് വേണ്ടിയല്ല സന്ദര്ശനമെന്നും സ്മൃതി ഇറാനി പറഞ്ഞു
‘കോണ്ഗ്രസിന്റെ തന്ത്രങ്ങളെക്കുറിച്ച് ജനങ്ങള്ക്ക് അറിയാം. അതുകൊണ്ട് തന്നെയാണ് 2019 ലെ തെരഞ്ഞെടുപ്പില് ബി.ജെ.പിയുടെ ജയം ജനങ്ങള് ഉറപ്പിച്ചതും. അവരുടെ ഹത്രസ് സന്ദര്ശനം വെറും രാഷ്ട്രീയം മാത്രമാണെന്നും ഇരക്ക് നീതി ലഭിക്കാന് വേണ്ടി ഉള്ളതല്ലെന്നും ജനങ്ങള് മനസിലാക്കും’ – സ്മൃതി ഇറാനി പറഞ്ഞു.
എന്നാല് രാഹുല് ഗാന്ധിയും പ്രിയങ്ക ഗാന്ധിയും പെണ്കുട്ടിയുടെ കുടുംബത്തെ സന്ദര്ശിക്കുമെന്ന് വ്യക്തമാക്കി. ഹത്രസില് മാദ്ധ്യമങ്ങള്ക്കുള്ള വിലക്ക് നീക്കിയെങ്കിലും രാഷ്ട്രീയ നേതാക്കളെ കടത്തി വിടാന് കഴിയില്ലെന്ന് ഹത്രസ് ജോയിന്റ് മജിസ്ട്രേറ്റ് പ്രേം പ്രകാശ് മീണ അറിയിച്ചിരുന്നു. സമാജ് വാദി പാര്ട്ടി നേതാവ് അഖിലേഷ് യാദവും ഇന്ന് പെണ്കുട്ടിയുടെ കുടുംബത്തെ സന്ദര്ശിക്കാന് തീരുമാനിച്ചതായി ഇന്ത്യ ടുഡേ റിപ്പോര്ട്ട് ചെയ്തു.
Read also: ഹത്രസ് സംഭവം; സര്ക്കാരിന്റെ പ്രതിച്ഛായ സംരക്ഷിക്കാന് ശ്രമം; സഹായത്തിന് സ്വകാര്യ ഏജന്സി