തിരുവനന്തപുരം: 15-18 വയസ് വരെ പ്രായമുള്ള കുട്ടികൾക്ക് കോവിഡ് വാക്സിൻ സ്വീകരിക്കുന്നതിനുള്ള രജിസ്ട്രേഷൻ നാളെ മുതൽ ആരംഭിക്കും. http://www.cowin.gov.in എന്ന വെബ്സൈറ്റിലൂടെയാണ് രജിസ്ട്രേഷൻ നടത്താൻ സാധിക്കുന്നത്. തുടർന്ന് തിങ്കളാഴ്ച മുതൽ കുട്ടികൾക്കുള്ള വാക്സിൻ വിതരണം ആരംഭിക്കും.
കൊവാക്സിനാണ് കുട്ടികൾക്ക് വിതരണം ചെയ്യുന്നത്. സംസ്ഥാനത്തൊട്ടാകെ വാക്സിൻ സ്വീകരിക്കാൻ അർഹരായ 15 ലക്ഷത്തോളം കുട്ടികൾ ഉണ്ടെന്നാണ് റിപ്പോർട്ടുകൾ വ്യക്തമാക്കുന്നത്. രജിസ്റ്റർ ചെയ്യുമ്പോൾ തിരിച്ചറിയൽ രേഖയും അപ്ലോഡ് ചെയ്യണം. ആധാർ ഇല്ലാത്തവർക്ക് സ്കൂളിൽ നിന്നുള്ള തിരിച്ചറിയൽ കാർഡ് ഉപയോഗിക്കാവുന്നതാണ്.
കോവിൻ ആപ്പിൽ രക്ഷിതാക്കൾ രജിസ്റ്റർ ചെയ്തിട്ടുള്ള അക്കൗണ്ടിൽ കൂടി രജിസ്റ്റർ ചെയ്യുന്നതിനും തടസമില്ല. കൂടാതെ വാക്സിനേഷൻ കേന്ദ്രത്തിൽ നേരിട്ടെത്തി രജിസ്റ്റർ ചെയ്താലും വാക്സിൻ ലഭിക്കുമെന്ന് അധികൃതർ വ്യക്തമാക്കി.
Read also: സിപിഎം പാലക്കാട് ജില്ലാ സമ്മേളനത്തിന് ഇന്ന് തുടക്കം