എറണാകുളം: എറണാകുളം മെഡിക്കൽ കോളേജ് ആശുപത്രിയിൽ സന്ദർശകർക്ക് നിയന്ത്രണം. ഒപികളുടെ പ്രവർത്തന സമയം രാവിലെ 9 മുതൽ 11 മണി വരെ ആയി ക്രമീകരിച്ചു.
കോവിഡ് രോഗികളുടെ വർധനവ് കണക്കിലെടുത്താണ് ആശുപത്രിയിൽ നിയന്ത്രണം ഏർപ്പെടുത്തിയത്. മെഡിക്കൽ കോളേജ് ആശുപത്രിയിൽ രോഗി സന്ദർശനം കഴിവതും ഒഴിവാക്കണമെന്നും ആശുപത്രി അധികൃതർ അറിയിച്ചു.
അതേസമയം എറണാകുളം റൂറൽ മേഖലയിൽ പോലീസിന്റെ കർശന പരിശോധന നടക്കുന്നുണ്ട്. കണ്ടെയ്ൻമെന്റ് സോണുകളിൽ ആലുവ റൂറൽ എസ്‌പിയുടെ നേതൃത്വത്തിലാണ് പരിശോധന. ഇതര സംസ്‌ഥാന തൊഴിലാളികൾ കൂടുതലുള്ള പെരുമ്പാവൂരിൽ എസ്‌പി നേരിട്ടെത്തി സ്‌ഥിതിഗതികൾ വിലയിരുത്തി.
Read Also: കോവിഡ് വ്യാപനം; തമിഴ്‌നാട് നിയമസഭാ തിരഞ്ഞെടുപ്പ് ഫലം വൈകിയേക്കും
