ജിദ്ദ: സൗദിയില് ഞായറാഴ്ച പുതിയ രോഗികളുടെ എണ്ണത്തേക്കാള് കൂടുതൽ രോഗമുക്തി നേടിയവരുടെ എണ്ണം. രാജ്യത്ത് 24 മണിക്കൂറിനിടെ 1,079 പുതിയ കേസുകള് റിപ്പോര്ട് ചെയ്തപ്പോൾ രോഗമുക്തി നേടിയത് 1,214 പേരാണ്.
അതേസമയം 14 മരണങ്ങളാണ് ഇന്ന് കോവിഡ് മൂലമാണെന്ന് സ്ഥിരീകരിച്ചത്. ഇതോടെ കോവിഡ് മൂലം ജീവൻ നഷ്ടമായവരുടെ എണ്ണം 7,677 ആയി ഉയർന്നു.
രാജ്യത്ത് ഇതുവരെ റിപ്പോര്ട് ചെയ്ത കോവിഡ് രോഗികളുടെ എണ്ണം 4,74,191ഉം ആണ്. ഇതുവരെ 4,55,618 ആളുകളാണ് രാജ്യത്ത് രോഗമുക്തി നേടിയത്. രാജ്യത്തെ കോവിഡ് മുക്തി നിരക്ക് 96.08 ശതമാനവും മരണനിരക്ക് 1.61 ശതമാനവുമാണ്.
നിലവിൽ വിവിധ ആശുപത്രികളിലും മറ്റുമായി 10,896 ആളുകളാണ് ചികിൽസയിൽ കഴിയുന്നത്. ഇവരില് 1,516 പേരുടെ നില ഗുരുതരമാണെന്ന് ആരോഗ്യ മന്ത്രാലയം അറിയിച്ചു.
വിവിധ പ്രവിശ്യകളില് പുതുതായി റിപ്പോര്ട് ചെയ്യപ്പെട്ട കോവിഡ് കേസുകൾ: മക്ക- 320, റിയാദ്- 216, കിഴക്കന് പ്രവിശ്യ- 206, അസീര്- 100, ജീസാന്- 63, മദീന- 57, അല് ഖസീം- 38, നജ്റാന്- 20, തബൂക്ക്- 19, ഹാഇല്- 17, അല്ബാഹ- 13, വടക്കന് അതിര്ത്തി മേഖല- 6, അല് ജൗഫ്- 4.
Most Read: അനധികൃത സ്വത്ത് സമ്പാദനം; കെപിസിസി അധ്യക്ഷനെതിരെ പരാതി