റിയാദ്: സൗദി അറേബ്യയിൽ ഇന്ന് 1,379 പേർക്ക് കൂടി കോവിഡ് സ്‌ഥിരീകരിച്ചു. ഇതോടെ രാജ്യത്ത് ചികിൽസയിൽ കഴിയുന്നവരുടെ എണ്ണം 11,136 ആയി ഉയർന്നു. ഇതിൽ 1,419 പേരുടെ നില ഗുരുതരമാണ്. ബാക്കിയുള്ളവരുടെ ആരോഗ്യനില തൃപ്‌തികരമാണ്.
കഴിഞ്ഞ 24 മണിക്കൂറിനിടെ 1,021 പേർ സുഖം പ്രാപിച്ചിട്ടുണ്ടെന്നും സൗദി ആരോഗ്യമന്ത്രാലയം വാർത്താക്കുറിപ്പിൽ അറിയിച്ചു. രാജ്യത്ത് കോവിഡ് ബാധിതരായി കഴിഞ്ഞവരിൽ 10 പേർ കൂടി മരിച്ചു. ഇതുവരെ രാജ്യത്ത് റിപ്പോർട് ചെയ്യപ്പെട്ട കോവിഡ് കേസുകളുടെ ആകെ എണ്ണം 5,20,774 ആയി. ഇതിൽ 5,01,449 പേർ രോഗമുക്‌തരായി.
ആകെ മരണസംഖ്യ 8,189 ആയി. രാജ്യമാകെ ഇന്ന് 109,194 കോവിഡ് പരിശോധനകളാണ് നടത്തിയത്. രാജ്യത്തെ കോവിഡ് മുക്‌തി നിരക്ക് 96.3 ശതമാനവും മരണനിരക്ക് 1.6 ശതമാനവുമായി തുടരുന്നു.
National News: കര്‍ണാടക മുഖ്യമന്ത്രിയായി ബാസവരാജ് ബൊമ്മെ; സത്യപ്രതിജ്‌ഞ നാളെ
