ബോവിക്കാനം: സ്കൂട്ടറും ബൈക്കും കൂട്ടിയിടിച്ച് ബൈക്ക് യാത്രക്കാരനായ യുവാവിന് ഗുരുതരമായി പരുക്കേറ്റു. മുള്ളേരിയ പെരിയടുക്കയിലെ നാരായണന്റെ മകൻ പി സച്ചിനാണ് (23) പരുക്കേറ്റത്. സ്കൂട്ടർ ഓടിച്ച പൈക്കയിലെ പിഎം സാജിദിന് നിസാര പരിക്കുകളേറ്റു.
സാജിദിന്റെ മാതാവും സ്കൂട്ടറിൽ ഉണ്ടായിരുന്നെങ്കിലും ഇവർ പരുക്കില്ലാതെ രക്ഷപ്പെട്ടു. ഇന്നലെ വൈകിട്ട് 5.45നായിരുന്നു സംഭവം. കാസർഗോട്ട് നിന്ന് വീട്ടിലേക്ക് പോവുകയായിരുന്നു സച്ചിൻ. ഈ സമയം ബോവിക്കാനം ഭാഗത്തു നിന്ന് എത്തിയ സാജിദിന്റെ സ്കൂട്ടർ അമ്മങ്കോട് റോഡിലേക്ക് വെട്ടിച്ചപ്പോൾ ബൈക്കുമായി കൂട്ടിയിടിക്കുകയായിരുന്നു എന്ന് ദൃക്സാക്ഷികൾ പറയുന്നു.
ഗുരുതരമായി പരിക്കേറ്റ സച്ചിനെ നാട്ടുകാർ ഉടൻ തന്നെ ചെങ്കള സഹകരണ ആശുപത്രിയിൽ എത്തിച്ചു. ആദൂർ എസ്ഐ ഇ രത്നാകരന്റെ നേതൃത്വത്തിൽ പോലീസും സ്ഥലത്തെത്തിയിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
