കണ്ണൂർ: ജില്ലയിൽ സിഗ്‌നലിൽ നിർത്തിയിട്ടിരുന്ന ലോറിക്കടിയിൽ കുടുങ്ങി സ്‌കൂട്ടർ യാത്രക്കാരന് ദാരുണാന്ത്യം. കണ്ണൂർ ജില്ലയിലെ കാൾടെക്‌സ് ജങ്ഷനിലെ സിഗ്‌നലിൽ ഇന്ന് ഉച്ചയ്‌ക്ക് 2.45ന് ആണ് അപകടം. തലയിലൂടെ കണ്ടെയ്‌നർ ലോറി കയറി ഇറങ്ങിയതിനാൽ ആളെ തിരിച്ചറിഞ്ഞിട്ടില്ല.
സിഗ്‌നലിൽ കണ്ടെയ്‌നർ ലോറിയുടെയും ടിപ്പറിന്റെയും ഇടയിൽ നിർത്തിയതായിരുന്നു സ്‌കൂട്ടർ. തുടർന്ന് കണ്ടെയ്‌നർ എടുത്തതോടെ യുവാവ് ബൈക്കിൽ നിന്ന് വീണ് ലോറിക്കടിയിൽ കുടുങ്ങുകയായിരുന്നു. കണ്ണൂർ ഫയർഫോഴ്‌സ് എത്തി മൃതദേഹം ജില്ലാ ആശുപത്രിയിലേക്ക് മാറ്റി. അപകടത്തെ തുടർന്ന് അൽപനേരം സിഗ്‌നലിൽ ഗതാഗതം മുടങ്ങി.
Most Read: തുലാവർഷവും ന്യൂനമർദ്ദവും; സംസ്‌ഥാനത്ത് കനത്ത മഴക്ക് സാധ്യത
