കോഴിക്കോട്: കെഎസ്ആർടിസി ബസിൽവെച്ച് വനിതാ കണ്ടക്‌ടർക്ക് എതിരെ ലൈംഗിക അതിക്രമം നടത്തിയ യുവാവ് പൊലീസ് പിടിയിലായി. കാസർഗോഡ് ചിറ്റാരിക്കൽ സ്വദേശി ഷൈജു ജോസഫ് (28)ആണ് പിടിയിലായത്.
ചൊവ്വാഴ്‌ച വൈകിട്ട് 3 മണിയോടെ കണ്ണൂരിൽ നിന്ന് കോഴിക്കോട്ടേക്ക് വരുകയായിരുന്ന ബസിലെ വനിതാ കണ്ടക്‌ടറോടാണ് ഇയാൾ അതിക്രമം കാട്ടിയത്. സ്വകാര്യ ബസിലെ കണ്ടക്‌ടറായ ഇയാൾ കണ്ണൂരിൽ നിന്നാണ് കെഎസ്ആർടിസി ബസിൽ കയറിയത്.
സംഭാവമുണ്ടായ ഉടൻ തന്നെ സഹയാത്രികർ ഇയാളെ തടഞ്ഞുവെച്ചു. തുടർന്ന് കണ്ടക്‌ടറും കെഎസ്ആർടിസി അധികാരികളും ചേർന്ന് പോലീസിൽ വിവരം അറിയിക്കുകയായിരുന്നു. പിന്നീട് നടക്കാവ് പോലീസാണ് ഇയാളെ മാവൂർ റോഡ് ടെർമിനലിൽ വെച്ച് കസ്‌റ്റഡിയിൽ എടുത്തത്. പീഡനശ്രമം, കൃത്യനിർവഹണം തടസപ്പെടുത്തൽ തുടങ്ങിയ വകുപ്പുകൾ പ്രകാരമാണ് ഇയാൾക്കെതിരെ കേസെടുത്തത്.
Read also: മാവോവാദി സൂര്യയെ റിമാൻഡ് ചെയ്‌തു
