തിരുവനന്തപുരം : ഇത്തവണത്തെ നിയമസഭാ തിരഞ്ഞെടുപ്പിൽ പാലക്കാട് മണ്ഡലത്തിൽ നിന്നും മാറുമെന്ന വാർത്തകൾ അഭ്യൂഹങ്ങൾ മാത്രമാണെന്ന് വ്യക്‌തമാക്കി ഷാഫി പറമ്പിൽ എംഎൽഎ. പാലക്കാട് മണ്ഡലത്തിൽ നിന്നും പട്ടാമ്പി മണ്ഡലത്തിലേക്ക് ഇത്തവണത്തെ തിരഞ്ഞെടുപ്പിൽ മാറുമെന്നാണ് വാർത്തകൾ പ്രചരിച്ചത്. എന്നാൽ ഇത് തെറ്റാണെന്നും താൻ പാലക്കാട് മണ്ഡലത്തിൽ പ്രചാരണം തുടങ്ങി കഴിഞ്ഞെന്നും അദ്ദേഹം വ്യക്‌തമാക്കി.
പാലക്കാട് മണ്ഡലത്തിൽ നിന്നും തിരഞ്ഞെടുപ്പിനെ നേരിടാനാണ് തനിക്ക് ആഗ്രഹമെന്നും, തിരഞ്ഞെടുപ്പിൽ യുഡിഎഫിനായി പാലക്കാട് നിന്നും മൽസരിച്ച് വിജയിക്കാൻ സാധിക്കുമെന്നും അദ്ദേഹം പറഞ്ഞു. കൂടാതെ പട്ടാമ്പി മണ്ഡലത്തിലേക്ക് മാറാൻ ആണെങ്കിൽ അത് എന്നേ കഴിയുമായിരുന്നു എന്നും നിലവിൽ വരുന്ന വാർത്തകൾ തെറ്റാണെന്നും അദ്ദേഹം കൂട്ടിച്ചേർത്തു.
Read also : മക്കൾ നീതി മയ്യം 154 സീറ്റുകളിൽ മൽസരിക്കും; കമൽഹാസൻ
