തിരുവനന്തപുരം: സിറാജ് ദിനപത്രത്തിന്റെ തിരുവനന്തപുരം യൂണിറ്റ് ചീഫായിരുന്ന കെ.എം ബഷീര്‍ വാഹനമിടിച്ച് കൊല്ലപ്പെട്ട കേസില്‍ ശ്രീറാം വെങ്കിട്ടരാമന് തിരുവനന്തപുരം ജുഡീഷ്യല്‍ ഒന്നാം ക്ലാസ് മജിസ്ട്രേറ്റ് കോടതി ജാമ്യം അനുവദിച്ചു.
രണ്ട് തവണ നോട്ടീസ് അയച്ചിട്ടും ഹാജരാകാത്തതിനെ തുടര്‍ന്ന് കോടതി അന്ത്യശാസനം നല്‍കിയിരുന്നു. ഇതിനു ശേഷമാണ് ശ്രീറാം കോടതിയില്‍ ഹാജരായത്. കേസില്‍ രണ്ടാം പ്രതിയും ശ്രീറാമിന്റെ സുഹൃത്തുമായ വഫക്ക് 50000 രൂപയുടെ സ്വന്തം ജാമ്യ ബോണ്ടിന്‍മേലും തുല്യ തുകക്കുള്ള രണ്ട് ആള്‍ജാമ്യത്തിലും കോടതി ജാമ്യം അനുവദിച്ചിരുന്നു.
2019 ആഗസ്ററ് മൂന്നിന് പുലര്‍ച്ചെ ഒരു മണിക്കാണ് കാറിടിച്ച് കെ എം ബഷീര്‍ കൊല്ലപ്പെടുന്നത്. ഐ എ എസ് ഉദ്യോഗസ്‌ഥനും ഡോക്റ്ററുമായ ശ്രീറാം വെങ്കിട്ടരാമനും സുഹൃത്ത് വഫാ ഫിറോസുമാണ് കാറില്‍ ഉണ്ടായിരുന്നത്. കെ എല്‍ 01-ബി എം 360 നമ്പര്‍ വോക്‌സ്‌ വാഗണ്‍ കാര്‍ അമിത വേഗതയില്‍ ഓടിച്ചപ്പോഴാണ് അപകടം ഉണ്ടായത്.
Read also: സ്വര്‍ണക്കടത്ത് കേസ്; പ്രതികളുടെ ജാമ്യാപേക്ഷ ഇന്ന് കോടതിയില്‍
