കോഴിക്കോട്: എസ്.എസ്.എഫ് സാഹിത്യോല്‍സവങ്ങള്‍ മാനവിക മൂല്ല്യങ്ങള്‍ ഉയര്‍ത്തിപ്പിടിക്കുന്നു എന്ന് സാഹിത്യകാരന്‍ യു.എ ഖാദര്‍. എസ്.എസ്.എഫ് കോഴിക്കോട് ജില്ലാ സാഹിത്യോല്‍സവ് ഉല്‍ഘാടനം ചെയ്‌ത്‌ പ്രസംഗിക്കുക ആയിരുന്നു അദ്ദേഹം. സാംസ്‌കാരിക രംഗത്തെ മതപരമായ മുന്നേറ്റം രാജ്യത്തെ പുരോഗതിയില്‍ എത്തിക്കുന്നതായും കലാ സാഹിത്യ രംഗത്തെ ഇടപെടലുകള്‍ സമൂഹത്തില്‍ സൗഹൃദ അന്തരീക്ഷം സൃഷ്‌ടിക്കുമെന്നും യു.എ ഖാദര്‍ പറഞ്ഞു.
മനുഷ്യനെ സാമൂഹിക ജീവി ആക്കുന്നതില്‍ സാഹിത്യ മല്‍സരങ്ങള്‍ മുഖ്യ പങ്കാണ് വഹിക്കുന്നതെന്ന് ചടങ്ങില്‍ മുഖ്യാതിഥി ആയിരുന്ന ‘ദ് വയര്‍’ മാഗസിന്‍ എഡിറ്റര്‍ മഹ്താബ് ആലം പറഞ്ഞു. എങ്ങനെ ജീവിക്കണമെന്നും എങ്ങനെ പെരുമാറണമെന്നും ഇത്തരം ഇടപെടലുകള്‍ യുവ തലമുറയെ പഠിപ്പിക്കുന്നു. സാമൂഹിക പരിസരങ്ങളില്‍ ചോദ്യങ്ങള്‍ ചോദിക്കാനും അങ്ങനെ പ്രശ്‌ന പരിഹാരത്തില്‍ എത്താനും യുവ തലമുറ വിദ്യാര്‍ഥി സമൂഹം അറിഞ്ഞിരിക്കണം.
ചടങ്ങില്‍ സാഹിത്യോല്‍സവ് പ്രോഗ്രാം കമ്മറ്റി ചെയര്‍മാന്‍ അബ്‌ദുൽ വാഹിദ് സഖാഫി അധ്യക്ഷത വഹിച്ചു. എസ്.എസ്.എഫ് സംസ്‌ഥാന സെക്രട്ടറി സി.ആര്‍.കെ മുഹമ്മദ് സന്ദേശ പ്രഭാഷണം നടത്തി. ദേശീയ സെക്രട്ടറി ഡോ. മുഹമ്മദ് ഫാറൂഖ് നഈമി, കേരള മുസ്ളിം ജമാഅത്ത് ജില്ലാ ജനറല്‍ സെക്രട്ടറി ജി.അബൂബക്കര്‍ തുടങ്ങിയവര്‍ പ്രസംഗിച്ചു.
Malabar News: ആന്റിജന്‍ പരിശോധനയില്‍ കൊള്ള നടത്തി സ്വകാര്യ ലാബുകള്‍
