തിരുവനന്തപുരം: ഫെബ്രുവരി-മാർച്ച് മാസങ്ങളിൽ നടത്തിയ പിഎസ്സി എസ്എസ്എൽസി തല പൊതുപ്രാഥമിക പരീക്ഷ എഴുതാൻ കഴിയാതെ പോയവർക്ക് ഒരവസരം കൂടി നൽകും. പരീക്ഷക്കായി അഡ്മിറ്റ് ചെയ്യപ്പെട്ടിട്ടും പരീക്ഷ എഴുതാൻ സാധിക്കാത്ത ഉദ്യോഗാർഥികൾക്കും നിശ്ചിത സമയപരിധിക്കുള്ളിൽ വ്യക്തമായ തെളിവുകളുടെ കാരണം ബോധിപ്പിച്ചവർക്കും രണ്ടാമത് അവസരം നൽകും.
ഫെബ്രുവരി 20, 25, മാർച്ച് 6, 13 തീയതികളിലാണ് എസ്എസ്എൽസി തല പൊതുപരീക്ഷയുടെ ആദ്യ നാലുഘട്ടങ്ങൾ നടത്തിയത്. ജൂലൈ മൂന്നിനാണ് വീണ്ടും പരീക്ഷ നടത്തുക. ഇത്തരത്തിൽ വീണ്ടും അവസരം ലഭിക്കുന്ന ഉദ്യോഗാർഥികൾക്ക് ജൂൺ 21 മുതൽ പിഎസ്സി പ്രൊഫൈൽ വഴി അഡ്മിറ്റ് കാർഡ് ഡൗൺലോഡ് ചെയ്യാം.
Read also: രേഖകളില്ലാതെ പുറത്തിറങ്ങിയാൽ കോവിഡ് ടെസ്റ്റ്; മലപ്പുറത്ത് കർശന നടപടി