തിരുവനന്തപുരം: കള്ളവോട്ടിന് കൂട്ടുനിന്നാല് ഉദ്യോഗസ്ഥര്ക്ക് എതിരെ കര്ശന നടപടിയെന്ന് മുഖ്യ തിരഞ്ഞെടുപ്പ് ഓഫീസർ ടിക്കാറാം മീണ. പോസ്റ്റല് ബാലറ്റ് കൊണ്ടുപോകുന്ന സംഘത്തില് വീഡിയോഗ്രാഫറും സുരക്ഷാ ഉദ്യോഗസ്ഥനും ഉണ്ടാകും. പക്ഷപാതപരമായി പെരുമാറുന്ന ഉദ്യോഗസ്ഥരെ സസ്പെൻഡ് ചെയ്യുമെന്നും പ്രോസിക്യൂഷന് നടപടികള്ക്കും വിധേയമാക്കുമെന്നും മീണ പറഞ്ഞു.
കള്ളവോട്ടിനെതിരെ പ്രതികരിച്ച ഉദ്യോഗസ്ഥൻ ശ്രീകുമാറിനെ മീണ അഭിനന്ദിച്ചു. ഉദുമ എംഎൽഎ കെ കുഞ്ഞിരാമൻ തദ്ദേശ തിരഞ്ഞെടുപ്പ് വേളയിൽ ഭീഷണിപ്പെടുത്തി എന്നായിരുന്നു ശ്രീകുമാറിന്റെ പരാതി. ഉദുമ കിഴക്കേഭാഗം ബൂത്തിലെ വരണാധികാരി ആയിരുന്ന ശ്രീകുമാർ തിരിച്ചറിയൽ രേഖ പരിശോധിക്കവെ കാലു വെട്ടുമെന്ന് ഭീഷണിപ്പെടുത്തി എന്നാണ് പരാതിയിൽ പറഞ്ഞിരുന്നത്. എന്നാൽ എംഎൽഎക്ക് അനുകൂലമായാണ് കളക്ടർ റിപ്പോർട് നൽകിയത്.
Read Also: കത്വ ഫണ്ട് തട്ടിപ്പ്; പികെ ഫിറോസിനെതിരെ കേസെടുത്തു