തിരുവനന്തപുരം: സര്ക്കാരിന്റെ സ്പെഷ്യല് അരിവിതരണം തടഞ്ഞ തിഞ്ഞെടുപ്പ് കമ്മീഷന് നടപടിക്ക് ഹൈക്കോടതി സ്റ്റേ. സര്ക്കാര് നല്കിയ അപ്പീലിലാണ് കോടതി നടപടി. അരിവിതരണം തുടരാമെന്ന് വ്യക്തമാക്കിയ കോടതി എന്നാലത് തിരഞ്ഞെടുപ്പ് പ്രചരണത്തിന് ഉപയോഗിക്കരുതെന്നും ആവശ്യപ്പെട്ടു.
മുന്ഗണനേതര വിഭാഗങ്ങള്ക്ക് 15 രൂപ നിരക്കില് 10 കിലോഗ്രാം അരി നല്കാനുള്ള തീരുമാനമാണ് നേരത്തെ തിരഞ്ഞെടുപ്പ് കമ്മീഷന് തടഞ്ഞിരുന്നത്.
ഈസ്റ്റര്, വിഷു, റംസാന് പ്രമാണിച്ച് മാര്ച്ച്, ഏപ്രില് മാസങ്ങളില് അരി നല്കാനായിരുന്നു സർക്കാരിന്റെ തീരുമാനം. എന്നാല് തിരഞ്ഞെടുപ്പ് പെരുമാറ്റച്ചട്ടം നിലനില്ക്കുന്നതിനാൽ കമ്മീഷൻ അരിവിതരണം തടയുക ആയിരുന്നു.
ഫെബ്രുവരി നാലിനായിരുന്നു അരിവിതരണത്തിന് സര്ക്കാര് ഉത്തരവിട്ടതെന്നും ഇത് പെരുമാറ്റച്ചട്ടം വരുന്നതിന് മുന്പാണെന്നുമാണ് സര്ക്കാര് വൃത്തങ്ങള് പറയുന്നത്.
Read Also: കേരള പോലീസ് വിവരാവകാശ നിയമത്തിന് അതീതരല്ല; വിമർശനവുമായി ഹൈക്കോടതി