കോഴിക്കോട്: പേരാമ്പ്രയിൽ സ്വകാര്യ ബസിൽ നിന്ന് വീണ് വിദ്യാർഥിനിക്ക് പരിക്ക്. പേരാമ്പ്ര മാർക്കറ്റ് സ്റ്റോപ്പിൽ നിന്ന് വിദ്യാർഥികൾ കയറുന്നതിനിടെ മുന്നോട്ട് എടുത്ത ബസിൽ നിന്ന് വീണാണ് അപകടം. നൊച്ചാട് ഹയർ സെക്കണ്ടറി സ്കൂളിലെ എട്ടാം ക്ളാസ് വിദ്യാർഥിനി റയാ ഫാത്തിമക്കാണ് (13) പരിക്കേറ്റത്.
കുറ്റ്യാടി-കോഴിക്കോട് റൂട്ടിലോടുന്ന സ്വകാര്യ ബസിൽ ഇന്ന് രാവിലെ ഒമ്പത് മണിയോടെയാണ് അപകടം. മാർക്കറ്റ് സ്റ്റോപ്പിൽ ബസ് നിർത്തുകയും വിദ്യാർഥികൾ ഓടിക്കയറുന്നതിനിടെ ഡ്രൈവർ ബസ് മുന്നോട്ട് എടുക്കുകയും ചെയ്തെന്നാണ് ദൃക്സാക്ഷികൾ പറയുന്നത്.
ബസിൽ നിന്ന് റോഡിലേക്ക് വീഴുന്നതിനിടെ ബസിന്റെ കമ്പിയിൽ പിടിത്തം കിട്ടുകയും കുട്ടി ബസിൽ തൂങ്ങി കിടക്കുകയുമായിരുന്നു. കുട്ടിയെ വലിച്ചിഴച്ചു കൊണ്ട് ബസ് 20 മീറ്ററോളം മുന്നിലേക്ക് പോയി. അമ്പാടി ഷോപ്പിങ് മുന്നണിലെത്തിയപ്പോൾ നാട്ടുകാരുടെ ബഹളം കേട്ടാണ് ബസ് നിർത്തിയത്. റോഡിൽ ഉരഞ്ഞ് കുട്ടിയുടെ കാൽമുട്ടിന് പരിക്കേറ്റിട്ടുണ്ട്.
പിടിത്തം വിടാതിരുന്നതിലാണ് വലിയ അപകടം ഒഴിവായതെന്ന് നാട്ടുകാർ പറയുന്നു. കുട്ടികളെ കയറ്റാതിരിക്കാൻ സ്റ്റോപ്പിൽ നിന്ന് ഏറെ മാറ്റിയാണ് ബസുകൾ പൊതുവെ നിർത്തുന്നത്. കുട്ടികൾ ബസിൽ ഓടിയാണ് കയറുന്നതെന്നും നാട്ടുകാർ പറയുന്നു. കഴിഞ്ഞ ദിവസം പേരാമ്പ്ര സ്റ്റാൻഡിൽ അമിത വേഗതയിലെത്തിയ ബസ് ദേഹത്തൂടെ കയറിയിറങ്ങി വയോധികൻ മരിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
