ഡെൽഹി: മരട് കേസിൽ ഫ്ളാറ്റ് നിര്‍മ്മാതാക്കൾക്ക് ശക്‌തമായ താക്കീതുമായി സുപ്രീംകോടതി. നഷ്‌ടപരിഹാരം നൽകാൻ ആവശ്യമായ തുകയുടെ പകുതി ഫ്ളാറ്റ് നിര്‍മ്മാതാക്കൾ കെട്ടിവെക്കണം.
തുക കെട്ടിവെക്കുന്നില്ലെങ്കിൽ റവന്യു റിക്കവറി ഉൾപ്പടെയുള്ള നടപടികൾക്കായി ഉത്തരവിറക്കുമെന്നും കോടതി പറഞ്ഞു. നിലപാട് അറിയിക്കാൻ ഫ്ളാറ്റ് നിര്‍മ്മാതാക്കൾക്ക് ഒരാഴ്‌ചത്തെ സമയം നൽകി. അടുത്ത ബുധനാഴ്‌ച കേസ് വീണ്ടും പരിഗണിക്കും.
ആകെ 115 കോടി രൂപയാണ് നഷ്‌ടപരിഹാരം നൽകാനായി വേണ്ടത്. കോടതി നിര‍ദ്ദേശ പ്രകാരം ഇതിൽ 65 കോടി രൂപ അടിയന്തിര സഹായം എന്ന നിലയിൽ സംസ്ഥാന സര്‍ക്കാര്‍ നൽകിയിരുന്നു. ഇതോടൊപ്പം ഫ്‌ളാറ്റുകള്‍ പൊളിച്ചു നീക്കിയതിന്‍റെ ചിലവും ഫ്ളാറ്റ് നിര്‍മ്മാതാക്കളാണ് നൽകേണ്ടത്.
തീരദ്ദേശ നിയമം ലംഘിച്ച് നിര്‍മ്മിച്ച മരടിലെ ഫ്ളാറ്റുകൾ കഴിഞ്ഞ ജനുവരിയാണ് സുപ്രീംകോടതി നിര്‍ദ്ദേശ പ്രകാരം പൊളിച്ചു നീക്കിയത്.
National News: ബംഗാളിലെ ചുഴലിക്കാറ്റ്; കേന്ദ്ര ധനസഹായം മമത സർക്കാർ കൊള്ളയടിച്ചുവെന്ന് ബിജെപി
