ന്യൂഡെൽഹി: രാജ്യത്തെ പ്രമുഖ ഫുഡ് ഡെലിവറി കമ്പനിയായ സ്വിഗ്ഗിയുടെ പ്രാരംഭ ഓഹരി വില്‍പന അടുത്തവര്‍ഷം ആദ്യത്തോടെ ആരംഭിക്കും. സോഫ്റ്റ് ബാങ്ക് ഗ്രൂപ്പ് പിന്തുണയ്‌ക്കുന്ന കമ്പനി ഐപിഒയിലൂടെ 800 മില്യണ്‍ ഡോളര്‍ സമാഹരിക്കാനാണ് പദ്ധതിയിടുന്നത്. പ്രാഥമിക ഓഹരി വില്‍പനയ്‌ക്ക് മുന്നോടിയായുള്ള ഒരുക്കങ്ങള്‍ കമ്പനി ആരംഭിച്ചതായാണ് സൂചന.
ഓൺലൈൻ ഫുഡ് ഡെലിവറി രംഗത്ത് നിന്ന് ലോജിസ്‌റ്റിക്‌സ് കമ്പനിയായി മാറാനാണ് സ്വിഗ്ഗി ലക്ഷ്യമിടുന്നതെന്ന് അടുത്ത വൃത്തങ്ങൾ പറയുന്നു. ഇതിന് മുന്നോടിയായി കമ്പനി ബോര്‍ഡിലേക്ക് സ്വതന്ത്ര ഡയറക്‌ടര്‍മാരെ ഉള്‍പ്പെടുത്താന്‍ തുടങ്ങിയതായും റിപ്പോർട്ടുകളുണ്ട്.
നിലവിൽ രാജ്യത്തെ പ്രധാന എതിരാളിയായ സൊമാറ്റോയേക്കാൾ മൂല്യമുള്ള കമ്പനിയാണ് സ്വിഗ്ഗി. അടുത്തിടെ നടന്ന ധന സമാഹരണത്തിലൂടെ മൊത്തം മൂല്യം ഏകദേശം 10 ബില്യൺ ഡോളറായി വർധിപ്പിച്ചതാണ് സൊമാറ്റോയെ മറികടക്കാൻ സഹായകരമായത്. ഇതിന്റെ തുടർച്ചയായാണ് ഐപിഒയിലൂടെ ധനശേഖരണം നടത്തുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
