മലപ്പുറം: സുന്നി യുവജന സംഘം സംസ്‌ഥാന കമ്മിറ്റിയുടെ നേതൃത്വത്തില്‍ സന്നദ്ധ സേവനരംഗത്തെ സജീവ വിഭാഗമായ ആമിലയുടെ ഈസ്‌റ്റ് ജില്ലാ സമര്‍പ്പണ സംഗമം നാളെ (ഞായര്‍) പട്ടിക്കാട് ജാമിഅ നൂരിയ്യയില്‍ നടക്കും.
ധാര്‍മിക സംസ്‌കരണ പ്രബോധന മേഖലയില്‍ ആസൂത്രിത പദ്ധതികളുമായി സേവനരംഗത്തുള്ള ആമിലയില്‍ പ്രത്യേക പരിശീലനം നല്‍കിയാണ് അംഗത്വം നല്‍കുന്നത്. നാല്‍പത് ദിവസത്തെ മൂല്യനിര്‍ണയ പരിശീലനം നേടിയ രണ്ടായിരത്തോളം ആമിലകളാണ് സമര്‍പ്പണ സംഗമത്തില്‍ സംബന്ധിക്കുക.
അസര്‍ നമസ്‌കാരാനന്തരം നടക്കുന്ന സംഗമം സമസ്‌ത കേരള ജംഇയ്യതുല്‍ ഉലമ പ്രസിഡണ്ട് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉൽഘാടനം നിർവഹിക്കും. ജില്ലാ പ്രസിഡണ്ട് പാണക്കാട് സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാകും. സമസ്‌ത കേരള ജംഇയ്യതുല്‍ ഉലമ ജനറല്‍ സെക്രട്ടറി ശൈഖുല്‍ ജാമിഅ കെ ആലിക്കുട്ടി മുസ്‌ലിയാര്‍ അനുഗ്രഹ പ്രഭാഷണം നടത്തും.
ആമില ജില്ലാ റഈസ് ഹസന്‍ സഖാഫൂക്കോട്ടൂര്‍ ആമുഖ ഭാഷണം നിർവഹിക്കുന്ന സംഗമത്തിൽ എസ്‌വൈഎസ്‌ സംസ്‌ഥാന ജനറല്‍ സെക്രട്ടറി സയ്യിദ് മുഹമ്മദ് കോയ തങ്ങള്‍ ജമലുല്ലൈലി സമര്‍പ്പണം നടത്തും.എസ്‌വൈഎസ്‌ സംസ്‌ഥാന വര്‍ക്കിംഗ് സെക്രട്ടറി അബ്‌ദുൽ ഹമീദ് ഫൈസി അമ്പലക്കടവ്, സെക്രട്ടറി അബ്‌ദുസ്സമദ് പൂക്കോട്ടൂര്‍ എന്നിവർ പ്രസംഗിക്കും.
‘ആമില; സംഘ വഴിയിലെ ദൗത്യസംഘം‘ എന്ന വിഷയം ഹംസ റഹ്‌മാനി കൊണ്ടിപറമ്പും, ‘പ്രായോഗിക ദഅ്‌വത്ത്‘ ആസിഫ് ദാരിമി പുളിക്കലും, ‘പ്രബോധനം: വഴിയും വെളിച്ചവും‘ മുഹമ്മദ് ഫൈസി ഓണംപിള്ളിയും, ‘മൗലികമാകേണ്ട സ്വത്വബോധം‘ സ്വലാഹുദ്ദീന്‍ ഫൈസി വല്ലപ്പുഴയും അവതരിപ്പിക്കും.
എസ്‌വൈഎസ്‌ ജില്ലാ ട്രഷറര്‍ അബ്‌ദുൽ ഖാദിര്‍ ഫൈസി കുന്നുംപുറം, ജില്ലാ ആമില കണ്‍വീനര്‍ അക്ബര്‍ മമ്പാട് എന്നിവരും പ്രസംഗിക്കും. മൂന്ന് മണിക്ക് രജിസ്‌ട്രേഷന്‍ ആരംഭിക്കുന്നതിനാല്‍ എല്ലാ ആമില അംഗങ്ങളും കൃത്യം 3 മണിക്ക് തന്നെ ജാമിഅയിൽ എത്തിച്ചേരണമെന്ന് ജില്ലാ ജനറല്‍ സെക്രട്ടറി സലീം എടക്കര അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
