കാസർഗോഡ്: കാലിക്കടവിൽ ‘ടേക്ക് എ ബ്രേക്ക്’ വഴിയോര വിശ്രമകേന്ദ്രവും പൊതു ശൗചാലയവും പണിയും. ദേശീയപാതയോരം, ജില്ലാ റോഡ് പരിസരം എന്നിവിടങ്ങളിൽ പൊതുജനങ്ങൾക്കായി ശൗചാലയം ഉൾപ്പെടുന്ന വിശ്രമകേന്ദ്ര സമുച്ചയം പണിയുമെന്ന മുഖ്യമന്ത്രിയുടെ നൂറുദിന കർമപരിപാടിയുടെ ഭാഗമായാണ് പദ്ധതി നടപ്പാക്കുന്നത്.
സംസ്‌ഥാനത്തിന്റെ വിവിധ ഭാഗങ്ങളിൽ പദ്ധതി വിജയകരമായി നടപ്പാക്കിയിരുന്നു. കാലിക്കടവിൽ വിശ്രമകേന്ദ്രം പണിയാനായി പിലിക്കോട് ഗ്രാമപ്പഞ്ചായത്ത് 2020-21 പദ്ധതിയിൽ ഉൾപ്പെടുത്തി 14 ലക്ഷം നീക്കിവെച്ചു. ടെൻഡർ നടപടി പൂർത്തിയായ പദ്ധതിയുടെ ശിലാസ്‌ഥാപനം എം രാജഗോപാലൻ എംഎൽഎയാണ് നിർവഹിച്ചത്.
Read Also: വിവിധ ജില്ലകളിലെ പോലീസ് മേധാവിമാർക്ക് സ്‌ഥലം മാറ്റം
