‘ജനറല്‍ ആശുപത്രി വേണം’; മലപ്പുറത്ത് ആവശ്യം ശക്‌തമാവുന്നു

By News Desk, Malabar News

മലപ്പുറം: സംസ്‌ഥാനത്ത് ജനറൽ ആശുപത്രിയില്ലാത്ത ഏക ജില്ലയായ മലപ്പുറം തുടരുന്നു. ജില്ലയിൽ ജനറൽ ആശുപത്രി സ്‌ഥാപിക്കണമെന്ന ആവശ്യം ശക്‌തമാവുകയാണ്. ജനറൽ ആശുപത്രി ആരംഭിക്കുന്നതിനുള്ള നടപടി വേണമെന്ന് പി ഉബൈദുള്ള എംഎൽഎ നിയമസഭയിൽ ഉന്നയിച്ചിരുന്നു. ഇതിന് പുറമേ, ആരോഗ്യ വകുപ്പ് മന്ത്രിയെ നേരിൽ കണ്ട് സംസാരിച്ചെന്ന് ഉബൈദുള്ള എംഎൽഎ അറിയിച്ചിട്ടുണ്ട്.

മുമ്പ് മഞ്ചേരിയിലുണ്ടായ ജനറൽ ആശുപത്രി മെഡിക്കൽ കോളേജാക്കി മാറ്റിയതോടെയാണ് ജനറൽ ആശുപത്രിയില്ലാത്ത ജില്ലയായി മലപ്പുറം മാറിയത്. നിലവിലുള്ള താലൂക്ക് ആശുപത്രി ജനറൽ ആശുപത്രിയായി ഉയർത്തുന്നതിന് പകരം മറ്റൊരു സ്‌ഥലത്ത് ജനറൽ ആശുപത്രി സ്‌ഥാപിക്കാനുള്ള സ്‌ഥലമുൾപ്പെടെ കണ്ടെത്തി നൽകുമെന്നും എംഎൽഎ വ്യക്‌തമാക്കിയിട്ടുണ്ട്.

18 ജനറൽ ആശുപത്രികളുള്ള സംസ്‌ഥാനത്ത് ഒരൊറ്റ ജനറൽ ആശുപത്രിയുമില്ലാത്ത ഏക ജില്ലയാണ് മലപ്പുറം. ജനസംഖ്യാനുപാതികമായി മലപ്പുറത്തേക്കാൾ വളരെ കുറഞ്ഞ ജനസംഖ്യയുള്ള ജില്ലകളിലാണ് ഒന്നിൽ കൂടുതൽ ജനറൽ ആശുപത്രികളുള്ളത്.

മഞ്ചേരിയിലെ ജനറൽ ആശുപത്രി വേണ്ടത്ര പഠനം നടത്താതെ അശാസ്‍ത്രീയമായി മെഡിക്കൽ കോളേജാക്കി ഉയർത്തിയത് ചികിൽസാ സൗകര്യം പരിമിതമാക്കി എന്ന വിമർശനവും ഉയരുന്നുണ്ട്. കോവിഡ് പശ്‌ചാത്തലം കൂടി കണക്കിലെടുത്ത് സർക്കാർ അടിയന്തര പ്രാധാന്യം നൽകി ജില്ലയിലെ ആരോഗ്യ മേഖലയിലെ പിന്നോക്കാവസ്‌ഥ പരിഹരിക്കണമെന്ന ആവശ്യം ശക്‌തമാവുകയാണ്.

Also Read: കാനഡയിൽ കൊല്ലപ്പെട്ട മുസ്‌ലിം കുടുംബത്തിന് ഐക്യദാർഢ്യവുമായി ആയിരങ്ങളുടെ മാർച്ച്‌

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE