ലഖ്നൗ: ഹത്രാസില് മാദ്ധ്യമങ്ങള്ക്ക് വിലക്ക് തുടരുന്നു. പെണ്കുട്ടിയുടെ വീട്ടുകാരെ കാണാനോ, മൃതദേഹം സംസ്കരിച്ച സ്ഥലത്ത് പോകാനോ അനുവാദമില്ല. തുടര്ച്ചയായ രണ്ടാം ദിവസമാണ് യു പി പോലീസ് മാദ്ധ്യമങ്ങള്ക്ക് വിലക്ക് ഏര്പ്പെടുത്തിയിരിക്കുന്നത്. അതിനിടെ പ്രദേശത്ത് ഇന്നും പ്രതിഷേധം ശക്തമായി.
കര്ശന പരിശോധനക്ക് ശേഷം മാത്രമാണ് ഗ്രാമത്തിലുള്ളവരെ പോലും അകത്തേക്ക് കടത്തിവിടുന്നത്. അതിദാരുണമായ സംഭവത്തിന്റെ നിജസ്ഥിതി അറിയിക്കാനോ, കുടുംബത്തിന്റെ പ്രതികരണം അറിയാനോ പൊലീസ് അനുവദിക്കുന്നില്ല. അതിനിടെ പ്രത്യേക അന്വേഷണ സംഘം പെണ്കുട്ടിയുടെ വീട്ടിലെത്തി മൊഴിയെടുത്തു. പെണ്കുട്ടിയുടെ വീട് സന്ദര്ശിക്കാനെത്തിയ തൃണമൂല് കോണ്ഗ്രസ് എംപിമാരെ പൊലീസ് തടഞ്ഞു. ഹിന്ദുമഹാസഭ പ്രവര്ത്തകര് ഗ്രാമത്തിലേക്ക് കടക്കാന് ശ്രമിച്ചത് നേരിയ സംഘര്ഷത്തിന് ഇടയാക്കിയിട്ടുണ്ട്.
Read also: ഡെറക് ഒബ്രിയാനെ ഹത്രാസില് തടഞ്ഞ് യുപി പോലീസ്; റോഡില് തള്ളിയിട്ടു