കാസർഗോഡ്: നിയമസഭാ തിരഞ്ഞെടുപ്പ് വരാനിരിക്കെ ജില്ലാ കളക്ടറെ നീക്കണമെന്ന ആവശ്യവുമായി യുഡിഎഫ്. തിരഞ്ഞെടുപ്പിന് മുൻപ് കളക്ടറെ മാറ്റിയില്ലെങ്കിൽ തിരഞ്ഞെടുപ്പ് സുതാര്യമായി നടക്കില്ലെന്നാണ് യുഡിഎഫ് ആരോപിക്കുന്നത്. ഇത് സംബന്ധിച്ച് യുഡിഎഫ് തിരഞ്ഞെടുപ്പ് കമ്മീഷന് കത്തു നൽകിയിട്ടുണ്ട്.
ഭരണകക്ഷിയായ സിപിഎമ്മിനുവേണ്ടി പ്രവർത്തിക്കുന്നു എന്നാരോപിച്ചാണ് യുഡിഎഫ് കാസർകോട് ജില്ലാക്കമ്മിറ്റി മുഖ്യ തിരഞ്ഞെടുപ്പ് കമ്മീഷനും സംസ്ഥാന തിരഞ്ഞെടുപ്പ് ഓഫിസർക്കും കത്തു നൽകിയത്. തദ്ദേശ തിരഞ്ഞെടുപ്പിൽ ഉദുമ എംഎൽഎ പ്രിസൈഡിങ് ഓഫിസറെ ഭീഷണിപ്പെടുത്തിയത് അറിഞ്ഞിട്ടും കളക്ടർ നടപടിയെടുത്തില്ലെന്നും യുഡിഎഫ് ആരോപിക്കുന്നു.
Read Also: നാട്ടുകാരുടെ നൻമയിൽ വീടുയർന്നു; നിത്യയുടെ സ്വപ്നം യാഥാർഥ്യമായി